| e-texts navigator |
| Wylie |
31b1 བླ་གོས་ཀྱང་རྒྱན་སྐུགས་སུ་ཡལ་བར་བྱས་ཞིག་གུ་སྙམ་སྟེ། མི་དགའ་བར་གྱུར་ནས་དེ་ནི་བདག་ཅག་གཉིས་ལུས་སུ་ཟད་དོ། །བདག་ཅག་གཉིས་ཀྱང་ཡལ་བར་བྱེད་དུ་འོང་གི་འདོང་ངོ
31b2 ཞེས་སྨྲས་སོ། །དེ་ཡང་ངོ་ཚ་ནས་བདག་ནི་དབུལ་བའི་ཉེས་པས་འདི་ལྟར་སྨ་བབ་བོ་སྙམ་བསམས་ནས། ཚིགས་སུ་བཅད་དེ་སྨྲས་པ། ཅི་ཞིག་སྡུག་བསྔལ་དབུལ་བ་སྡུག་བསྔལ་ཡིན།།
31b3 ཅི་ཞིག་ཤིན་ཏུ་སྡུག་བསྔལ་དབུལ་དེ་ཉིད། །དབུལ་བ་དག་ནི་ཤི་བ་དང་ཡང་མཚུངས། །བདག་ནི་ཤི་བ་འདམ་གྱི་དབུལ་བ་མིན། །ཞེས་སྨྲས་ནས། དབུགས་ཚ་བ་རྒྱུན་རིང་པོའི
31b4 ཤུགས་ཕྱུང་སྟེ། ཅང་མི་ཟེར་བར་འདུག་གོ། དེ་ནས་དེའི་ཁྱིམ་གྱི་ར་བ་ན་ཁྲོན་པ་ཞིག་ཡོད་དེ། དེའི་ཆུང་མས་ཆུ་བཅུ་བའི་ཕྱིར་བུ་མ་པ་ཐག་པས་བཏགས་ནས་དེའི་ནང་དུ་བཏང་སྟེ། ཆུ
31b5 ཡར་དབྱུང་སྙམ་པ་དང་། རེ་ཞིག་ན་ཡང་དབྱུང་བར་མ་ནུས་ནས། དེས་རྒྱལ་བ་པོ་ལ། ཇོ་བོ། བུམ་པ་འདི་ཡར་དབྱུང་བར་མི་ནུས་ན་ཚུར་སྤྱོན་ཏེ། གཟིགས་ཞེས་བོས་སོ། །དེ་ནས་དེས
31b6 ཀྱང་ཡར་དབྱུང་བར་བརྩམས་སོ། །རེ་ཞིག་ན་དེས་ཀྱང་ཡར་དབྱུང་བར་མ་ནུས་ནས། དེ་གཉིས་ཀྱིས་བུ་ལ་བོས་སོ། །དེ་ནས་མི་གསུམ་ཆར་གྱིས་ཤ་ཐང་པགས་རལ་ཏེ་འབད་པ་ཆེན
31b7 པོས་དེའུ་མ་ཕྱིན་ཏེ་ཕྱིན་ཏོ། །རེ་ཞིག་ན་བལྟས་ན་བུམ་པ་དེའི་འོག་ན་ཟངས་ཟུང་ལྔ་གསེར་དངུལ་གྱིས་ཡོངས་སུ་གང་བ་ཐོགས་ཤིང་འདུག་པ་མཐོང་སྟེ། དེ་ནས་རྒྱན་པོ་པ་རྒྱལ་བ་པོས་ཚེ
iiif viewer powered by OpenSeadragon
