| e-texts navigator |
| Wylie |
31a1 དག་གིས་ཆོས་སྨྲ་བའི་རྐང་པ་ལ་གཏོར་ནས། རང་གི་ལུས་ལ་བླ་གོས་ཕུད་དེ་ཆོས་སྨྲ་བའི་རྐང་པ་ལ་བཀབ་ནས། བ་སྤུ་ཐམས་ཅད་ཟིང་ཞེས་བྱས་ནས་དད་པར
31a2 གྱུར་ཏེ། རྐང་པ་གཉིས་ལ་གཏུགས་ནས། དད་པའི་ཤུགས་དྲག་པོས་སྨོན་ལམ་འདེབས་པ་ལ་ཞུགས་ཏེ། དགེ་བའི་རྩ་བ་དང་། སེམས་བསྐྱེད་པ་དང་། ཆོས་ཀྱི་ཕྱིར་སྦྱིན་པ
31a3 ཡོངས་སུ་བཏང་བ་འདིས་ན་བདག་ཚེ་འདི་ཉིད་ཕན་ཆད་དབུལ་པོར་མ་གྱུར་ཅིག་། སྐྱེ་བ་ཐམས་ཅད་དུ་ཡང་བསོད་ནམས་ཀྱིས་ཆེ་བར་གྲགས་པར་གྱུར་ཅིག། ལྷ་དང་། མི་རྣམས་ཀྱིས
31a4 ཀྱང་བདག་རྒྱལ་པོར་བཅུག་པར་གྱུར་ཅིག། ཅི་བསམས་པ་དང་། ཅི་འདོད་པ་དེ་དག་ཐམས་ཅད་ནམ་མཁའ་ལས་འགྲུབ་པར་གྱུར་ཅིག། བདག་བཙའ་བ་ནའང་ངོ་མཚར་དང་། རྨད
31a5 དུ་བྱུང་བ་མང་པོ་དག་འབྱུང་བར་གྱུར་ཅིག་། གཏེར་མི་ཟད་པའི་རིན་པོ་ཆེ་མང་པོ་དང་། རིན་པོ་ཆེ་སྣ་ཚོགས་ཀྱིས་ལེགས་པར་ཡོངས་སུ་གང་བ་དག་ཀྱང་འབྱུང་བར་གྱུར་ཅིག་ཅེས
31a6 དེས་དེ་ལྟར་སྨོན་ལམ་བཏབ་པའི་སྐབས་སུ། ཆོས་སྨྲ་བས་ཀྱང་། ཁ་སྟོན་དུ་ཡོངས་སུ་བསྔོ་བ་བྱས་ཏེ། འཁོར་ཐམས་ཅད་དོང་ངོ་། །རྒྱན་པོ་པ་རྒྱལ་བ་པོའང་ཆོས་ཀྱི་ཕྱིར་སྦྱིན
31a7 པ་དེ་ཉིད་ཡིད་ལ་སེམས་ཤིང་རས་གཅིག་པུ་གྱོན་བཞིན་དུ་བདག་གི་ཁྱིམ་དུ་སོང་ནས། ཆུང་མ་དང་། བུས་མཐོང་ངོ་། །དེ་ནས་ཆུང་མ་དང་། བུས་བསམས་པ། འདིས་ག་ཤེད་དུ
iiif viewer powered by OpenSeadragon
