| e-texts navigator |
| Wylie |
30b1 ལུས་པ་རྣམས་མཐོང་སྟེ། གཞན་ཐམས་ཅད་རྒྱན་སྐུགས་སུ་ཡལ་ནས། དེ་སེམས་པ་ལ་ཞུགས་ཏེ། ཅི་སྟེ། པ་ན་ལྔ་དང་། བླ་གོས་སྦྱིན་ན་ནི་ལྟོགས་ཏེ་འཆི་བར་ཡང་འགྱུར་ལ། འོན
30b2 ཏེ་མ་སྦྱིན་ན་བསོད་ནམས་མེད་པར་འཇིག་རྟེན་ཕ་རོལ་ཏུ་འགྲོ་དགོས་ཏེ། དེར་ཡང་དང་ཡང་དབུལ་བའི་སྡུག་བསྔལ་ཐམས་ཅད་དུ་གྱུར་ན། གང་གིས་ལྟོགས་ཏེ་འཆི་བར་ཡང་མི་འགྱུར
30b3 ལ|་བསོད་ནམས་ཀྱིས་བགོད་པར་ཡང་མི་འགྱུར་བའི་ཐབས་ཅི་ཡོད་སྙམ་སྟེ། ཡང་བསམས་པ། བསོད་ནམས་མེད་པར་འཇིག་རྟེན་ཕ་རོལ་ཏུ་འགྲོ་བ་བས་ནི་ལྟོགས་ཏེ་ཤི་ཡང་བླ་ཡི།
30b4 པ་ཎ་ལྔ་དང་། བློ་གོས་འདི་དག་ནི་ངེས་པར་སྦྱིན་པ་སྦྱིན་པར་བྱའོ་སྙམ་སྟེ། དེ་དེ་སྙམ་དུ་སེམས་པའི་སྐབས་སུ་ཡང་ཆོས་སྨྲ་བས་ཚིགས་སུ་བཅད་པ་ཐ་དད་པར་འདི་བརྗོད་དེ། བསོད
30b5 ནམས་དལ་ནས་བྱེད་ན་ནི། །སྡིག་ལ་མངོན་པར་དགའ་བར་འགྱུར། །དེའི་ཕྱིར་དགེ་བ་སྨྱུར་ཏེ་བྱ། །སྡིག་པ་ལས་ནི་སེམས་ཀྱང་བཟློག། ཅེས་སྨྲས་སོ། །དེ་ནས་དེས་ཚིགས་སུ་བཅད
30b6 པ་འདི་ཐོས་ནས་བསམས་པ། བསོད་ནམས་སྨྱུར་ཏེ་བྱའོ་ཞེས་བཤད་པས་ན། ལ་གོར་དུ་སྦྱིན་པ་སྦྱིན་པར་བྱའོ་སྙམ་མོ། །དེ་ནས་རྒྱན་པོ་པ་དབུལ་བའི་སྡུག་བསྔལ་གྱིས་ཉམ་ཐག
30b7 པ་དེ་དད་པའི་ཤུགས་དྲག་པོས་སེངྒེའི་ཁྲི་ལ་ཆོས་སྨྲ་བ་འདུག་པའི་སྤྱི་བོའི་སྟེང་དུ་གདུགས་བཟུང་ནས། མཆིལ་ལྷམ་གཉིས་རྐང་པའི་དྲུང་དུ་བཞག་སྟེ། པ་ཎ་ལྔའི་འགྲོན་བུ་དེ
iiif viewer powered by OpenSeadragon
