| e-texts navigator |
| Wylie |
475a1 ལ་འདོང་བ་ལས་ཁྱི་ཞིག་ཁྲིད་དོ། །ལམ་དུ་ཁྱི་དེས་ཚོང་པ་ཞིག་གི་ཤ་བརྐུས་པ་དང་། ཚོང་བ་དེ་ཁྲོས་པས་ཁྱིའི་རྐང་པ་བཅག་ནས་འབྲོག་སྟོང་བར་བོར་ཏེ་སོང་ངོ་།
475a2 དེ་ནས་ཤཱ་རིའི་བུས་ལྷའི་མིག་གིས་བརྟགས་ན། ཁྱི་དེ་ལྟོགས་པ་མཐོང་ནས་ཆོས་གོས་གྱོན། ལྷུང་བཟེད་ཐོགས་ཏེ་བསོད་སྙོམས་བསླངས་ནས་དེ་མ་ཐག་ཏུ་ནམ་མཁའ་ལ་འཕུར་ཏེ
475a3 ཁྱིའི་གན་དུ་སོང་ནས་བྱམས་ཤིང་སྙིང་བརྩེ་བའི་སེམས་བསྐྱེད་དེ་ཁ་ཟས་ཀྱིས་ཁྱི་དེ་སྙོད་དོ། །ཁྱི་དེ་ཁ་ཟས་ཟོས་ནས་ལྷག་པར་དགའ་སྟེ་ཤཱ་རིའི་བུས་ཁྱི་ལ་དམ་པའི་ཆོས་བསྟན
475a4 ནས་ཁྱི་དེ་ཡང་དེར་ཚེ་འཕོས་ཏེ་མཉན་དུ་ཡོད་པར་བྲམ་ཟེ་ཞིག་གི་བུར་སྐྱེས་སོ། །དུས་གཞན་ཞིག་ན་ཤཱ་རིའི་བུ་གཅིག་པུ་བསོད་སྙོམས་ལ་སོང་སྟེ་བྲམ་ཟེ་དེའི་སྒོར་ཕྱིན་པ་དང་།
475a5 བྲམ་ཟེ་དེས་ཤཱ་རིའི་བུ་ལ་ཅིའི་ཕྱིར་གཅིག་པུ་འགྲོ་བར་བྱེད། དགེ་ཚུལ་ཡང་མེད་དམ་ཞེས་སྨྲས་པ་དང་། ཤཱ་རིའི་བུས་སྨྲས་པ། བདག་ལ་དགེ་ཚུལ་མེད་པས་གཅིག་པུ་འགྲོ་བ་ཡིན
475a6 ནོ|་|ཁྱོད་ལ་བུ་གཅིག་ཡོད་ཟེར་ན། བདག་ལ་སྦྱིན་དུ་རུང་ངམ་ཞེས་སྨྲས་སོ། །བྲམ་ཟེས་སྨྲས་པ། བདག་ལ་ཀྱུན་ཏེ་ཞེས་བྱ་བ་ཞིག་ཡོད་དེ། དེ་དུང་ན་གཞོན་ཏེ་ཆུང་བས་ཅི
475a7 ཡང་མི་ནུས་ཀྱི། ནམ་སྐྱེས་པ་ན་སྦྱིན་ནོ། །ཞེས་སྨྲས་སོ། །ཤཱ་རིའི་བུས་དེ་སྐད་ཅེས་སྨྲས་པ་ཐོས་ནས་ཡིད་ལ་བཟུང་སྟེ་ཕྱིར་རྒྱལ་བུ་རྒྱལ་བྱེད་ཀྱི་ཚལ་དུ་འོངས་སོ། །ཕྱིས་དེ་ལོ
iiif viewer powered by OpenSeadragon
