| e-texts navigator |
| Wylie |
474b1 སངས་རྒྱས་ལེག་པར་དད་སེལ་ཀྱང་དགེ་སློང་གི་དགེ་འདུན་དང་བཅས་སུ་འདིར་གཤེགས་ནས་སྔོན་གྱི་ལོ་རྒྱུས་བསྟན་ཏོ། །དེའི་འོག་ཏུ་སངས་རྒྱས་གསེར་ཐུབ་ཀྱང་འདིར་གཤེགས་སོ། །
474b2 དེའི་འོག་ཏུ་སངས་རྒྱས་འོད་སྲུང་ཡང་ཉེ་གནས་རྣམས་དང་བཅས་པར་འདིར་གཤེགས་ཏེ་སྔོན་གྱི་ལོ་རྒྱུས་བསྟན་ཏོ། །ད་སངས་རྒྱས་བདུན་པོའི་ཐ་མ་སངས་རྒྱས་ཤཱཀྱ་ཐུབ་པ་ང་ཡང་ཁྱེད
474b3 ལ་འདིར་སྲིན་བུ་འདི་བསྟན་ཏེ། དེ་བཞིན་དུ་བསྐལ་པ་བཟང་པོའི་སངས་རྒྱས་སྟོང་པ་ཀུན་ཉེ་གནས་དང་བཅས་ཏ་འདིར་གཤེགས་ནས་སྲིན་བུ་འདིས་སྔོན་ཅི་བྱས་པའི་ལོ་རྒྱུས་སྟོན་པར
474b4 འགྱུར་རོ། །དགེ་སློང་རྣམས་བཅོམ་ལྡན་འདས་ཀྱིས་གསུངས་པ་ཐོས་ནས་ལུས་ཀྱི་བ་སྤུ་ཀུན་ལངས་ནས་སོ་སོ་ནས་ལུས་དང་། ངག་དང་། ཡིད་ཀྱི་ལས་ཤིན་ཏུ་སྲུང་བ་གྱུར་ཏོ། །བཅོམ་ལྡན་འདས
474b5 ཀྱིས་གསུངས་པ་ལ་འཁོར་མང་པོ་རྗེས་སུ་ཡི་རང་ནས་མངོན་པར་དགའོ། །སྲིན་བུའི་རྒྱུ་བསྟན་པའི་ལེའུ་སྟེ་ལྔ་བཅུ་པའོ།། །།དགེ་སྦྱོང་ཀྱུན་ཏེ་ཞེས་བྱ་བའི་ལེའུ། འདི་སྐད་བདག་གིས
474b6 ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་ཤཱ་རིའི་བུ་ཉིན་མཚན
474b7 དུས་གསུམ་དུ་ལྷའི་མིག་གིས་སེམས་ཅན་གང་ལ་འདུལ་བའི་སྐལ་པ་ཡོད་པ་རྟོག་སྟེ། གདུལ་བར་རིགས་པ་ཡོད་ན་དེར་འགྲོའོ། །དུས་གཞན་ཞིག་ན་ཚོང་པ་དག་ཅིག་ཡུལ་གཞན་དུ་ཚོང
iiif viewer powered by OpenSeadragon
