| e-texts navigator |
| Wylie |
474a1 དགེ་སློང་དེས་སྨྲས་པ། ཚོང་པས་རིན་པོ་ཆེ་དེ་ང་ལ་བྱིན་དུ་ཟད་ཀྱི། ཁྱོད་ཀུན་ལ་མ་བྱིན་ནོ། །དགེ་འདུན་གྱིས་དགེ་སློང་དེ་ལ་རིན་པོ་ཆེ་དེ་ནི། ཚོང་བས་དགེ་འདུན
474a2 ལ་ཕུལ་ནས་ཁྱོད་སྦེད་དུ་བཅུག་གི། ཁྱེད་ལ་བྱིན་པ་མ་ཡིན་ནོ། །ཞེས་བསྒོ་བ་དང་། དགེ་སློང་དེ་ཁྲོས་ནས་ཁྱོད་སྐྱག་པ་ལ་ཟ་ཟ་བའམ། རིན་པོ་ཆེ་དེ་ནི། ཁོ་བོའི་ཡིན་གྱི། མ་ཟེར་ཅིག
474a3 ཅེས་སྨྲས་སོ། །དེ་ནས་དགེ་འདུན་རྣམས་ཀྱང་དགེ་སློང་དེ་ཁྲོས་ནས་ངན་སེམས་སྐྱེས་པ་མཐོང་ནས་སོ་སོར་གྱེས་སོ། །དེ་ལྟར་དགེ་འདུན་ལ་ངན་སེམས་ཀྱིས་ཚིག་ངན་པ་སྨྲས་པས
474a4 ལུས་ཞིག་སྟེ་ཚེ་འཕོས་ནས་མནར་མེད་པའི་སེམས་ཅན་དམྱལ་བ་ཆེན་པོར་ལྷུང་སྟེ་ངན་སྐྱུག་གི་ནང་ན་བསྐལ་པ་དགུ་བཅུ་རྩ་གཅིག་གི་བར་དུ་འགྲེ་འགྲེའོ། །དེ་ལས་ཐར་ནས་ད
474a5 འདིར་ངན་སྐྱུག་གི་ཁུང་དུ་སྐྱེས་ཏེ་ལོ་མང་དུ་ལོན་ཡང་ད་དུང་མཐར་ཏེ། འདི་ལྟ་སྟེ། སྔོན་འདས་པའི་སངས་རྒྱས་གཙུག་ཏོར་ཅན་གྱིས་ཀྱང་དགེ་སློང་གི་དགེ་འདུན་དང་བཅས་འདིར
474a6 གཤེགས་ནས་ཉེ་གནས་རྣམས་ལ་བསྟན་ཏེ། སྔོན་ཅི་ལས་གྱུར་པ་བསྟན་ཏོ། །དེ་ནས་ཡང་སངས་རྒྱས་ཐམས་ཅད་སྐྱོབ་ཀྱང་དགེ་སློང་གི་དགེ་འདུན་དང་བཅས་འདིར་གཤེགས་ནས
474a7 སྟོན་ཅི་ལས་གྱུར་པ་བསྟན་ཏོ། །དེ་ནས་ཚེ་འཕོས་ནས་ཕྱིར་ཡང་སེམས་ཅན་དམྱལ་བར་སྐྱེས་ཏེ། ལོ་ཁྲི་ཕྲག་གྲངས་མེད་པ་ཞིག་ལོན་ནས་ཕྱིར་ཡང་ཁུང་འདིར་སྐྱེས་སོ། །དེའི་འོག་ཏུ
iiif viewer powered by OpenSeadragon
