| e-texts navigator |
| Wylie |
207b1 སྟེ|་གཙུག་ལག་ཁང་གཅིག་གམ། དགོན་པའམ། གྲོང་འདབ་གཅིག་ཏུ་གནས་པར་མ་བྱེད་ཅིག་།ལྷན་ཅིག་ཏུ་ཡང་གནས་པར་མ་བྱེད་ཅིག་།ལམ་གཅིག་ཏུ་ཡང་མ་འགྲོ་ཞིག། ལམ་དུ
207b2 ཡང་མ་འགྲོགས་ཤིག་། བརྡ་ཡང་མ་བྱེད་ཅིག་།བརྡ་སྐད་ཀྱང་མ་བྱེད་ཅིག་།ཐ་མལ་བར་གནས་པས་རྩོད་པའི་གཅུགས་དེ་ཁོང་དུ་ཆུད་ནས་ཆོས་བཞིན་དང་། འདུལ་བ་བཞིན་དུ་ཞི་བར་བྱེད
207b3 ནུས་ལ|་སྟོན་པའི་བསྟན་པ་བསྲུང་བའི་ཕྱིར་མཐུན་པར་བྱེད་ནུས་ན་ནི། ཞི་བར་བྱེད་པའི་ཐབས་དག་ཅིང་འདུལ་བ་དང་མཐུན་པ་ཞིག་གིས་རྩོད་པའི་གཅུགས་དེ་ཞི་བར་བྱས་པ་ཞེས
207b4 བྱའོ||་། །ལས་བརྒྱ་ཐམ་པ་ལས། སྡོམ་གྱི་ཚིགས་སུ་བཅད་པ་བཅུ་པ་རྫོགས་ཏེ་ལས་བརྒྱ་ཐམ་པ་རྫོགས་སོ།། །།རྒྱ་གར་སྐད་དུ། དམ་མཱུ་ཀོ
207b5 ནཱ་མ་སཱུ་ཏྲ། བོད་སྐད་དུ། མཛངས་བླུན་ཞེས་བྱ་བའི་མདོ། །བམ་པོ་དང་པོ། དཀོན་མཆོག་གསུམ་ལ་ཕྱག་འཚལ་ལོ། །དཔེ་སྣ་ཚོགས་བསྟན་པའི་ལེའུ། འདི་སྐད་བདག་གིས་ཐོས་པ་དུས
207b6 གཅིག་ན། བཅོམ་ལྡན་འདས་ཡུལ་མ་ག་དྷའི་དཀྱིལ་འཁོར་རྣམ་པར་རྒྱལ་བ་ན་བཞུགས་ཏེ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པ་ཞིག་ན་འདི་སྙམ་དུ་དགོངས་པར
207b7 གྱུར་ཏོ|་|སེམས་ཅན་འདི་དག་ནི། ཡུན་རིང་པོ་ནས་ཕྱིན་ཅི་ལོག་གིས་ཡོངས་སུ་བསླད་དེ། བསྟན་ཅིང་བཅོས་སུ་ཡང་ཤིན་ཏུ་དཀའ་བས་ཇི་སྲིད་དུ་འཇིག་རྟེན་ན་བཞུགས་ཀྱང་ཕན་པའི
iiif viewer powered by OpenSeadragon
