| e-texts navigator |
| Wylie |
413a1 ཀྱང་བསྲུང་། །སྡུག་བསྔལ་མང་པོས་བསགས་པ་གཞན་གྱི་ནོར། །མ་བྱིན་དེ་ལ་ཡིད་ཀྱང་བསམས་མི་བྱ། །འཇིག་རྟེན་གྱིས་མཐོང་དགའ་དང་བྲལ་འགྱུར་ཞིང་། །
413a2 གཞན་ཡང་དེ་བཞིན་ཕན་པར་གནས་པར་གྱིས། །གཞན་གྱི་བུད་མེད་རྒྱན་གྱིས་བརྒྱན་པ་དག། མེ་ལྕེ་འབར་བ་བཞིན་དུ་ཡོངས་སྤོངས་ལ། །རང་གི་ཆུང་མ་རྙེད་པས་ཆོག་པར་བྱོས། །
413a3 འདོད་རྒྱུ་དུག་དང་འདྲ་བ་མ་སྤྱོད་ཅིག། རང་གི་དོན་དང་། གཞན་གྱི་དོན་ཆེད་དུ། །སུས་ཀྱང་ཤེས་བཞིན་རྫུན་དག་མ་སྨྲ་བར། །གཞན་ལ་མི་གནོད་གཞན་ལ་མི་གདུང་བར། །བརྟགས
413a4 ཏེ་འཇམ་པོའི་ཚིག་གིས་སྨྲ་བར་གྱིས། །ཆང་འཐུང་བ་ལ་མངོན་པར་དགའ་བའི་མི། །བདག་ལ་ཕན་དང་གཞན་ལ་བདེ་མི་ནུས། །རྨོངས་དང་མདོག་ངན་བྱེད་པ་ཆང་ཡིན་ཏེ། །ཇི་ལྟར
413a5 ཧ་ལའི་དུག་བཞིན་དེ་མི་བཏུང་། །སྲོག་ཆགས་མི་གསོད་གཞན་གྱི་ནོར་མི་འཕྲོག། བརྫུན་དུ་མི་སྨྲ་ཆང་ཡང་མི་བཏུང་ཞིང་། །གཞན་གྱི་ཆུང་མ་ཡིན་ལའང་མི་འདོད་པ། །མཐོ་རིས
413a6 གང་འདོད་ཁྱིམ་དུ་འཇུག་པ་བཞིན། །གོས་དཀར་གྱོན་པ་ཁྱིམ་པ་རྣམས་ཀྱིས་ནི། །ཁྱིམ་གནས་རྣམས་ཀྱི་བསླབ་པ་འདི་ཡིན་ཏེ། །རྒྱལ་བས་དེ་གོང་རབ་ཏུ་བྱུང་རྣམས་ཀྱི། །བསླབ
413a7 གཞིའི་ཆོས་ནི་རབ་ཏུ་བསྟན་པ་ཡིན། །དེ་ནས་དགེ་བསྙེན་དགའ་བ་ཅན་བཅོམ་ལྡན་འདས་ལ་ཆོས་ཀྱི་རྣམ་གྲངས་འདི་ཐོས་ནས་དགའ་ཞིང་མགུ་ལ་ཡི་རངས་ཏེ། རབ་ཏུ་དགའ་བ
iiif viewer powered by OpenSeadragon
