| e-texts navigator |
| Wylie |
409a1 རྣམས་དང་སྐལ་བ་མཉམ་པར་སྐྱེ་བ་དེ་ནི་གནས་ཡིན་ཏེ། གནས་འཇོག། ངས་འདི་ལས་དགོངས་ནས་ལྷའི་བདེ་བ་ལ་བརྟེན་ན་མིའི་རྒྱལ་སྲིད་དམན་ནོ་ཞེས་བཀའ་སྩལ་ཏོ། །གནས
409a2 འཇོག། ཁྱོད་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་ཉེ་བར་གནས་པར་གྱིས་ཤིག། ཆོ་འཕྲུལ་གྱི་ཕྱོགས་ལའང་ནན་ཏན་གྱིས་སྒྲུབས་ཤིག། ལྷ་དང་། མི་རྣམས་ཀྱི་འདོད་པ
409a3 ལའང་སྤྱད་པར་གྱིས་ཤིག། དེ་ནས་བཅོམ་ལྡན་འདས་ལ་བྲམ་ཟེ་གནས་འཇོག་གིས་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། བདག་གིས་ནི་ཡུན་རིང་པོ་ཞིག་ནས་དགུང་ཟླ་རེ་རེར་དཀའ་ཐུབ་དྲག
409a4 པོ་སྐྱོ་སྐྱོར་བགྱིས་པ་ནི་བདག་གིས་ཅིའང་མ་རྙེད་དེ། བདག་ནི་དེང་སླན་ཆད་སངས་རྒྱས་ལ་སྐྱབས་སུ་མཆིའོ། །ཆོས་དང་། དགེ་འདུན་ལ་སྐྱབས་སུ་མཆིའོ། །མཐུ་ཇི་ལྟ་བ་དང་། སྟོབས་ཅི་མཆིས་པས
409a5 འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་གནས་པར་བགྱི་ཞིང་སྦྱིན་པའང་སྩལ་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། གནས་འཇོག། འདི་ནི་ལེགས
409a6 པ་ཡིན་ཏེ། ཁྱོད་ཀྱི་བྱ་བ་ནི་དེ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྲམ་ཟེ་གནས་འཇོག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས
409a7 ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་གནས་འཇོག་ཅེས་བྱ་བའི་མདོ་རྫོགས་སོ།། །།རྒྱ་གར་གྱི་མཁན་པོ་སརྦ་ཛྙཱ་དེ་བ་དང་། ཞུས་ཆེན་གྱི་ལོ་ཙྪ་བ་བནྡེ
iiif viewer powered by OpenSeadragon
