| e-texts navigator |
| Wylie |
406b1 དཔེར་ན། གང་ཛམྦུའི་གླིང་འདིར་དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་བ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད་པར་སྦྱོར་བ་ཡོངས་སུ་ཟད་པ། ཡང
406b2 དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ་རྣམས་ཀྱིས་གང་བར་གྱུར་པ་དེ་དག་ལ་གང་རིགས་ཀྱི་བུའམ། རིགས་ཀྱི་བུ་མོ་གཅིག་གིས་ཇི་སྲིད་འཚོའི་བར་དུ། འདི་ལྟ་སྟེ།
406b3 ཡུལ་ཆེན་པོ་བཅུ་དྲུག་ལ་ཨང་ག་དང་། མ་ག་དྷཱ་དང་། ཀོ་ས་ལ་དང་། ཀཱ་ཤི་དང་། བྲི་ཛི་དང་། མ་ལ་དང་། ཕུན་ཏྲ་དང་། སྲེག་པ་དང་། ཀཱ་མཱ་དང་། ཨ་བན་ཏི་དང་། ཀུ་རུ་དང་། ལྔ་ལེན་དང་།
406b4 བད་ས་དང་། དཔལ་སྡེ་དང་། ཡ་བ་ན་དང་། ཀམ་པོ་རྣམས་སུ། འདི་ལྟ་སྟེ། རིན་པོ་ཆེ་རྡོ་རྗེ་དང་། མརྒད་དང་། པདྨ་རཱ་ག་དང་། ཨནྡ་རྙིལ་དང་། མཐོན་ཀ་ཆེན་པོ་དང་། ནོར་བུ་དང་། མུ་ཏིག
406b5 དང་། བཻཌཱུཪྱ་དང་། ཤང་ཀ་ཤི་ལ་དང་། བྱུ་རུ་དང་། དངུལ་དང་། ས་ལེ་སྤྲམ་དང་། རྡོའི་སྙིང་པོ་དང་། སྤུག་དང་། མུ་ཏིག་དམར་པོ་དང་། དུང་གཡས་སུ་འཁྱིལ་བ་རྣམས་བརྩོན་འགྲུས
406b6 ཀྱི་སྟོབས་ཀྱིས་བསྐྱེད། རྡུལ་ཅིང་དྲི་མ་ཆགས་ཆགས་སུ་ལག་མཐུས་བསྒྲུབས། ཆོས་དང་། ལྡན་ཞིང་ཆོས་ཀྱིས་ཐོབ་པ་དེ་དག་དང་། ཡོ་བྱད་དང་། ཆོས་གོས་དང་། ཟས་དང་། མལ་ཆ
406b7 དང་། ནད་ཀྱི་རྐྱེན་གྱི་གསོས་སྨན་རྣམས་ཀྱིས་བསྙེན་བཀུར་བྱས་པ་བས་གང་ཟག་གཉིས་པས་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་ལན་གཅིག་གནས་པ་ལ་སྔ
iiif viewer powered by OpenSeadragon
