| e-texts navigator |
| Wylie |
406a1 ཙམ་ཞེས་བསོད་ནམས་སམ། བསོད་ནམས་ཀྱི་འབྲས་བུའམ། བསོད་ནམས་ཀྱི་འབྲས་བུའི་རྣམ་པར་སྨིན་པའི་ཚད་གཟུང་བར་མི་ནུས་ཏེ། འོན་ཀྱང་བསོད
406a2 ནམས་མང་ཞིང་བསོད་ནམས་ཀྱི་ཕུང་པོ་ཆེའོ་ཞེས་བྱ་བའི་གྲངས་སུ་འགྲོ་འོ། །གནས་འཇོག། འཕགས་པའི་ཡན་ལག་བརྒྱད་དང་ལྡན་པ་ལ་གནས་པ་ནི་དེ་ལྟར་འབྲས་བུ་ཆེ་བ
406a3 ཡིན། དེ་ལྟར་ཕན་ཡོན་ཆེ་བ་ཡིན། དེ་ལྟར་མཐུ་ཆེ་བ་ཡིན། དེ་ལྟར་རྒྱ་ཆེ་བ་ཡིན་ནོ། །གནས་འཇོག། འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་བདེ་བར
406a4 གནས་པར་གྱིས་ཤིག་། ཆོ་འཕྲུལ་གྱི་ཕྱོགས་ལའང་ནན་ཏན་གྱིས་སྒྲུབས་ཤིག་།ལྷ་དང་། མི་རྣམས་ཀྱི་འདོད་པ་ལའང་སྤྱད་པར་གྱིས་ཤིག། དེ་ནས་བཅོམ་ལྡན་འདས་ལ
406a5 བྲམ་ཟེ་གནས་འཇོག་གིས་འདི་སྐད་ཅེས་གསོལ་ཏོ། །ཀྱེ་གཽ་ཏ་མ། འདི་ལ་སྐྱེས་བུ་གཉིས་ཞིག་ལས་དེ་གཅིག་གིས་ཇི་སྲིད་འཚོའི་བར་དུ་སྦྱིན་པ་སྩལ་པ་དང་། གཉིས་པས
406a6 ཀྱང་ཇི་སྲིད་འཚོའི་བར་དུ་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་གནས་པ་དེ་གཉིས་ལས། བཅོམ་ལྡན་འདས། ཁྱད་པར་གང་ཆེ་ལགས། བཅོམ
406a7 ལྡན་འདས་ཀྱིས་བཀའ་སྩལ་པ། གནས་འཇོག། འདི་ལ་འཕགས་པའི་ཡན་ལག་བརྒྱད་དང་ལྡན་པ་ལ་གནས་པ་དང་། སྦྱིན་པ་གཉིས་མཉམ་པ་མ་ཡིན་ཏེ། གནས་འཇོག།
iiif viewer powered by OpenSeadragon
