| e-texts navigator |
| Wylie |
405b1 པའི་ཡན་ལག་བརྒྱད་དང་ལྡན་པའི་བསྙེན་གནས་ལ་གནས་པའི་རིགས་ཀྱི་བུའམ། རིགས་ཀྱི་བུ་མོ་དེའི་བསོད་ནམས་འདི་ཙ་མ་མོ་ཞེས་བསོད་ནམས་སམ། བསོད་ནམས་ཀྱི་འབྲས
405b2 བུའམ། བསོད་ནམས་ཀྱི་འབྲས་བུ་རྣམ་པར་སྨིན་པའི་ཚད་གཟུང་བར་མི་ནུས་ཏེ། འོན་ཀྱང་བསོད་ནམས་མང་ངོ་ཞེས་བྱ་བའི་གྲངས་སུ་འགྲོའོ། །གནས་འཇོག། དེ་ཇི་སྙམ་དུ་སེམས
405b3 གང་ཞིག་རྒྱ་མཚོ་ཆེན་པོའི་ཆུ་ནི་འདི་ཙམ་སྟེ། ཆུའམ། ཆུ་བུམ་པ་བརྒྱའམ། ཆུ་བུམ་པ་སྟོང་ངམ། ཆུ་བུམ་པ་བརྒྱ་སྟོང་ཡོད་ཅེས་ཚད་གཟུང་བར་ནུས་པ་ཡོད་དམ། གནས་འཇོག
405b4 གིས་གསོལ་པ། གཽ་ཏ་མ། གང་ལ་ལ་རྒྱ་མཚོ་ཆེན་པོའི་ཆུ་ནི་འདི་ཙམ་སྟེ་ཆུའམ། ཆུ་བུམ་པ་བརྒྱའམ། ཆུ་བུམ་པ་སྟོང་ངམ། ཆུ་བུམ་པ་བརྒྱ་སྟོང་ཞེས་ཚད་གཟུང་བ་དེ་ནི
405b5 གནས་མ་མཆིས་ཏེ་སྐབས་མ་ལགས་སོ། །གཽ་ཏ་མ། དེ་ཅིའི་སླད་དུ་ཞེ་ན། ཆུ་ཀླུང་དེ་ནི་ཚད་གཟུང་དུ་མ་མཆིས་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། གནས
405b6 འཇོག། དེ་བསྟན་པས་གོ་བར་བྱ་སྟེ། གང་ཞིག་གང་གི་ཚེ་ཐབས་ལ་མཁས་པ་གང་གིས་རྒྱ་མཚོ་ཆེན་པོའི་ཆུ་འདི་ཙམ་སྟེ། ཆུའམ། ཆུ་བུམ་པ་བརྒྱའམ། ཆུ་བུམ་པ་སྟོང་ངམ།
405b7 ཆུ་བུམ་པ་བརྒྱ་སྟོང་ཞེས་ཚད་གཟུང་བར་ནུས་པ་ཡོད་སྲིད་ཀྱི། གང་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་ལན་གཅིག་གནས་པའི་བསོད་ནམས་འདི
iiif viewer powered by OpenSeadragon
