| e-texts navigator |
| Wylie |
405a1 ལག་བརྒྱད་དང་ལྡན་པའི་བསྙེན་གནས་ཡིན་ཏེ། ད་ལྟར་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་གནས་པ་ནི་ལྷ་དང་། མིའི་འདོད
405a2 པ་ལ་ཉེ་བར་སྤྱོད་པར་འགྱུར་ཏེ། གནས་འཇོག། ཁྱོད་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་གནས་པར་གྱིས་ཤིག། ཆོ་འཕྲུལ་གྱི་ཕྱོགས་ལའང
405a3 ནན་ཏན་གྱིས་སྒྲུབས་ཤིག་། ལྷ་དང་། མི་རྣམས་ཀྱི་འདོད་པའང་སྤྱད་པར་གྱིས་ཤིག། གནས་འཇོག་།ཇི་ལྟར་འཕགས་པའི་ཡན་ལག་བརྒྱད་དང་ལྡན་པ་ལ་གནས་པའི་རིགས
405a4 ཀྱི་བུའམ། རིགས་ཀྱི་བུ་མོ་དད་པ་དང་ལྡན་དེའི་བསོད་ནམས་འདི་ཙམ་མོ་ཞེས་བསོད་ནམས་སམ། བསོད་ནམས་རྣམས་ཀྱི་འབྲས་བུའམ། བསོད་ནམས་ཀྱི་འབྲས་བུ་རྣམ
405a5 པར་སྨིན་པའི་ཚད་གཟུང་བར་མི་ནུས་ཏེ། འོན་ཀྱང་བསོད་ནམས་ཀྱི་ཕུང་པོ་མང་ངོ་ཞེས་བྱ་བའི་གྲངས་སུ་འགྲོའོ། །གནས་འཇོག། དཔེར་ན། ཆུ་བོ་ཆེན་པོ་ལྔ་པོ་གཅིག་ཏུ
405a6 གཞོལ་བར་འབབ་པ་ནི། འདི་ལྟ་སྟེ། གངྒཱ་དང་། ཡ་མུན་དང་། མཚོ་ལྡན་དང་། ཁྱིམ་ལྡན་དང་། ས་སྟེ། ཆུ་དེ་དག་ལ་འདི་ཙམ་མོ་ཞེས་ཆུའམ། ཆུ་བུམ་བ་བརྒྱ་འམ། ཆུ་བུམ
405a7 པ་སྟོང་ངམ། ཆུ་བུམ་པ་བརྒྱ་སྟོང་ཞེས་ཚད་གཟུང་བར་མི་ནུས་ཏེ། འོན་ཀྱང་ཆུ་མང་ཞིང་ཆུ་ཀླུང་ཆེའོ་ཞེས་བྱ་བའི་གྲངས་སུ་འགྲོའོ། །གནས་འཇོག། དེ་བཞིན་དུ་འཕགས
iiif viewer powered by OpenSeadragon
