| e-texts navigator |
| Wylie |
389a1 རྐུན་པོའམ། མེའམ། ཆུའམ། མི་འཛའ་བ་བགོ་སྐལ་ལ་སྤྱོད་པའམ། གང་ལས་ཀྱང་བར་ཆད་མི་འབྱུང་བ་ཡིན་ཏེ། གཞན་ལ་མི་གནོད་པར་སྦྱིན
389a2 པ་བྱིན་པའི་འབྲས་བུ་རྣམ་པར་སྨིན་པ་འདི་ལ་འདོད་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་འདི་སྐད་ཅེས་གསུངས་ནས། འདི
389a3 ལྟར་སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །དད་ཅིང་གུས་པར་བྱས་ཏེ་རང་གི་ལག་པ་ནས། །དུས་སུ་གནོད་པ་མེད་པར་མཁས་པ་སྦྱིན་པ་བྱེད། །སྦྱིན་པ་རྒྱ་ཆེ
389a4 བ་དང་|་ཆེན་པོ་འདིར་བྱིན་ནས། །ཀུན་བགེད་བྱེད་པ་དེ་ནི་བཟང་འགྲོར་འགྲོ་བ་ཡིན། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ།
389a5 བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སྐྱེས་བུ་དམ་པའི་མདོ་རྫོགས་སོ།། །།རྒྱ་གར་གྱི་མཁན་པོ་དྷ་རྨཱ་ག་ར་དང་། ལོ་ཙྪ
389a6 བ་བནྡེ་བཟང་སྐྱོང་གིས་བསྒྱུར། བནྡེ་དཔལ་བརྩེགས་ཀྱིས་ཞུས་ཆེན་བགྱིས།། །།རྒྱ་གར་སྐད་དུ། ནནྡ་པྲ་པྲ་ཛྱཱ་སཱུ་ཏྲ། བོད་སྐད་དུ། །དགའ་བོ་རབ་ཏུ་བྱུང་བའི
389a7 མདོ། ཐམས་ཅད་མཁྱེན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་སེར་སྐྱའི་གནས་ཀྱི་ནྱ་གྲོ་དྷའི་ཀུན་དགའི་ར་བ་ན་བཞུགས
iiif viewer powered by OpenSeadragon
