| e-texts navigator |
| Wylie |
384b1 གཅོད་པ་དང་དུ་ལེན། །འབྱུང་པོ་རྣམས་ལ་བརྩེ་ཕན་དེ། །བྲམ་ཟེ་ཡིན་པར་ངས་གསུངས་སོ། །སྨྱུང་བུའི་རྩེ་ལ་ཡུངས་ཀར་ལྟར། །གང་ཞིག་འདོད་ཆགས་ཞེ་སྡང་དང་། །ང་རྒྱལ་འཆང
384b2 བར་འཇོམས་པ་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་སྲེད་པའི་རྫོང་འདི་དང་། །འཁོར་བའི་ཀླུང་ལས་རབ་བརྒལ་ཅིང་། །རྒལ་ནས་ཕ་རོལ་འགྲོ་བར་སེམས། །ཡིད་ཉིད
384b3 ཀྱིས་ནི་མི་བཀྲི་ཞིང་། །གང་ཞིག་ལེན་པ་ལས་ལོག་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་འཇིག་རྟེན་འདི་དང་ནི། །ཕ་རོལ་ན་ཡང་སྲེད་མེད་ཅིང་། །སྲེད་པའི་སྲེད་པ
384b4 ཡོངས་ཟད་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་འཇིག་རྟེན་འདི་དང་ནི། །ཕ་རོལ་ལ་ཡང་ཆགས་མེད་ཅིང་། །ཆགས་མེད་རྣམ་པར་བྲལ་བ་དེ། །བྲམ་ཟེ་ཡིན
384b5 པར་ངས་གསུངས་སོ། །དགའ་དང་མི་དགའ་སྤངས་པ་དང་། །བསིལ་བར་གྱུར་ཅིང་ཟག་པ་མེད། །འཇིག་རྟེན་ཀུན་ཟིལ་གནོན་བརྟན་དེ། །བྲམ་ཟེ་ཡིན་པར་ངས་གསུངས་སོ། །མི
384b6 ཡི་སྦྱོར་བ་སྤངས་ནས་སུ། །ལྷ་ཡི་སྦྱོར་བ་རབ་འདས་ཤིང་། །སྦྱོར་བ་ཀུན་དང་རྣམ་བྲལ་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་ལྷ་དང་དྲི་ཟ་དང་། །མི་ཡི་འགྲོ་བ་མི
384b7 ཤེས་ཤིང་། །ཞི་བ་འགྲོ་བ་མི་ཤེས་དེ། །བྲམ་ཟེ་ཡིན་པར་ངས་གསུངས་སོ། །གང་གིས་ཆོས་རྣམས་མི་ཤེས་པའམ། །མ་མཐོང་བ་ནི་མེད་གྱུར་ལ། །ཤེས་བྱ་མཐའ་ཡས་ལྟ་བ
iiif viewer powered by OpenSeadragon
