| e-texts navigator |
| Wylie |
320b1 བསྔགས་པ་མཛད། །ཉེ་རྔས་སྨྲས་པ། །རྔ་ཁྱོད་ལ་ནི་ཕྱི་ཕྱིར་ཞིང་། །འདི་ལྟར་བདག་ནི་རབ་ཏུ་དད། །བདག་གི་ལུས་འདི་སྐམས་པའམ། །ཡང་ན་སེམས་ནི་མེད་ཀྱང་སླ། །
320b2 སྡུག་བསྔལ་ཤིན་ཏུ་མི་བཟད་པར། །ལྷུང་ཡང་ཕྱིན་ཆད་སྡིག་མི་བགྱིད། །ཚུལ་ཁྲིམས་ཉམས་པ་གསོན་པ་བས། །ཚུལ་ཁྲིམས་ལྡན་པ་ཤི་ཡང་སླ། །སྐྱེ་བ་གཅིག་ཏུ་འདི
320b3 ཡི་ཕྱིར། །ཇི་ལྟ་བུར་ནི་མི་ཟད་སྤྱད། །བཅོམ་ལྡན་འདས་ཀྱིས་བཀའ་སྩལ་པ། །སྔོན་ཚེ་གང་དུ་རབ་གནས་ཤིང་། །དེ་དང་དེར་ནི་སྐྱེས་པ་ན། །མི་དགེའི་གྲོགས་དང་འགྲོགས
320b4 པ་ཡིས། །ང་ཡི་མི་དགེ་ལས་རྣམས་བྱས། །དགེ་བའི་བཤེས་དང་ཕྲད་པ་ན། །མི་དགེའི་ལས་རྣམས་སྡངས་པ་ཡིས། །བདག་གིས་མི་དགེའི་ལས་རྣམས་བསལ། །བཅོམ
320b5 ལྡན་དེ་བཞིན་གཤེགས་པ་ཡིས། །སྔོན་གྱི་གནས་རྣམས་མངོན་མཁྱེན་ནས། །དེ་ཕྱིར་དགེ་སློང་རྣམས་ལ་ནི། །ཐུབ་པས་ལུང་ཡང་བསྟན་པར་མཛད། །སྔོན་ཚེ་ང་ནི
320b6 རྔར་གྱུར་ཏེ། །ཀུན་དགའ་བོ་ནི་ཉེ་རྔ་ཡིན། །ལྷ་སྦྱིན་རྔ་སྒར་གྱུར་ཏོ་ཞེས། །སྐྱེས་རབས་དེ་ལྟར་གཟུང་བར་གྱིས། །ཆོས་རྣམས་སྡུད་པར་བྱེད་པ་ཡི། །དོན་རྒྱས་མདོ་སྡེ་འདི་ཐོས
320b7 ནས|་|དགེ་སློང་ཐམས་ཅད་གུས་བཅས་པ། །ཆོས་ལ་སྤྱད་པ་ཉིད་དུ་གྱིས། །ཀླུའི་རྒྱལ་པོ་རྔ་སྒྲའི་ཚིགས་སུ་བཅད་པ་རྫོགས་སོ།། །།རྒྱ་གར་སྐད་དུ། ཨུ་དཱ་ན་བརྒ།
iiif viewer powered by OpenSeadragon
