| e-texts navigator |
| Wylie |
303b1 ལྡན་འདས་དེ་བདག་ཅག་ལ་ལུང་སྟོན་པར་མཛད་དེ། བདག་གིས་དེ་བཞིན་བཟུང་ནས་བྲམ་ཟེ་དང་། ཁྱིམ་བདག་དད་པ་ཅན་རྣམས་ལ་རྒྱ་ཆེར་བྱེ་སྟེ་ལན་གདབ་པར་བགྱིའོ་སྙམ
303b2 བགྱིད་དོ། །བཙུན་པ་བཅོམ་ལྡན་འདས། དོན་དེ་དག་ཉིད་བདག་ཅག་ཞུ་ཞིང་མཆིས་ན། བཙུན་པ་བཅོམ་ལྡན་འདས། དེ་བཞིན་གཤེགས་པའི་གཟུགས་བརྙན་བགྱིད་པའི
303b3 གང་ཟག་སྦྱིན་པ་པོ་ལ་ཕན་ཡོན་ཇི་ཙམ་ཞིག་མཆིས་པར་རིག་པར་གྱི། བཀའ་སྩལ་པ། དགེ་སློང་དང་། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་སྙིང་བརྩེ་བ་དང་། ལྷ་དང་མི་རྣམས
303b4 ལ་ཕན་པ་དང་བདེ་བའི་ཕྱིར་ཞུས་ཏེ། ཁྱེད་གང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དོན་དེ་ཉིད་ཞུ་བར་སེམས་པ་ལེགས་སོ། །ལེགས་སོ། །
303b5 དགེ་སློང་དག་།དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བསྟན་པར་བྱའོ། །དགེ་སློང་དག་།དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན
303b6 པ་པོ་ལ་ཕན་ཡོན་འདི་ལྔ་ཡོད་དེ། ལྔ་གང་ཞེ་ན། གཞལ་མེད་ཁང་ཆེན་པོར་གནས་པ་དང་། བོང་སྟེང་བཟང་པོར་གྲགས་པ་དང་། སྤྲོ་བ་མང་བ་དང་། ཚེ་རིང་བ་དང་། གྲགས་པ
303b7 དད་ལྡན་པ་དང་། བདེ་བ་མང་བ་སྟེ། དགེ་སློང་དག། འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོའི་ཕན་ཡོན་དང་པོ་ཡིན་ནོ། །གཞན་ཡང་། ཕྱུག
iiif viewer powered by OpenSeadragon
