| e-texts navigator |
| Wylie |
303a1 བཙལ་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་དགེ་སློང་རབ་ཏུ་མང་པོ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན
303a2 པ|་བདག་ཅག་དགེ་སློང་རབ་ཏུ་མང་པོ་དག་རིམ་གྲོའི་གནས་དེར་ལྷགས་ཏེ་འདུས་པ་དང་། བར་དེར་བཀའ་མཆད་འདི་ལྟ་བུ་ཞིག་གླེངས་ཏེ། ཁྱེད་ཅག་ལ་བྲམ་ཟེའམ།
303a3 ཁྱིམ་བདག་དད་པ་ཅན་ཐོས་པ་འཛིན་པ། ཐོས་པ་བསགས་པ། དགེ་བ་ཇི་ལྟར་བགྱི་ཞེས་ཚོལ་བ་དེ་བཞིན་གཤེགས་པའི་གཟུགས་བརྙན་བགྱི་བར་སྤྲོ་བ་སྐྱེས་པ་དག་གདའ
303a4 ལ|་དེ་དག་གལ་ཏེ་བདག་ཅག་གི་དྲུང་དུ་མཆིས་ནས། བཙུན་པ་དག་།དེ་བཞིན་གཤེགས་པའི་གཟུགས་བརྙན་བགྱིད་པའི་གང་ཟག་སྦྱིན་པ་པོ་ལ་ཕན་ཡོན་ཇི་ཙམ་ཞིག
303a5 མཆིས་པར་རིག་པར་བགྱི་ཞེས་རྨེད་ན། དེ་བཞིན་གཤེགས་པའི་གཟུགས་བརྙན་བགྱིད་པ་ལ་ཕན་ཡོན་ཇི་ཙམ་ཞིག་མཆིས་པ་བདག་ཅག་གིས་མ་འཚལ་ན། དེའི་ཚེ་དེ་དག
303a6 ལ་བདག་ཅག་གིས་ཇི་ལྟར་ཆོས་དང་མཐུན་པར་ལན་གདབ་པར་བགྱི། གང་དོན་དེ་དག་ཉིད་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
303a7 བའི་སངས་རྒྱས་ཐམས་ཅད་མཁྱེན་པ། ཐམས་ཅད་གཟིགས་པ། ཐེ་ཚོམ་ཐམས་ཅད་གཅོད་པར་མཛད་པ། སྟོན་པ་དེ་ལ་བདག་ཅག་གིས་ཞུ་བར་བགྱིའོ། །འོན་ཏང་བཅོམ
iiif viewer powered by OpenSeadragon
