| e-texts navigator |
| Wylie |
287a1 བའི་སྤུ་ཤིན་ཏུ་དཀར་བ་འདི་ནི་སྔོན་བསྔགས་པར་འོས་པ་རྣམས་ཀྱི་བསྔགས་པ་བརྗོད་པས་མངོན་པར་གྲུབ་པའོ། །དེ་བཞིན་གཤེགས་པའི་དབུ
287a2 གཙུག་ཏོར་དང་ལྡན་པ་འདི་ནི་སྔོན་བླ་མ་ལ་གུས་པར་བྱས་པས་མངོན་པར་གྲུབ་པའོ། །དེ་བཞིན་གཤེགས་པའི་སྐུ་ཤིང་ནྱ་གྲོ་དྷ་ལྟར་ཆུ་ཞེང་གབ་པ་འདི་ནི་སྔོན་བདག་དང་།
287a3 གཞན་ཏིང་འཛིན་ལ་སྦྱོར་བས་མངོན་པར་གྲུབ་པའོ། །དེ་བཞིན་གཤེགས་པའི་སྐུ་སྲེད་མེད་ཀྱི་བུ་ཆེན་པོ་ལྟ་བུར་ཀུན་ཏུ་མཛེས་པ་འདི་ནི་སྔོན་དེ་བཞིན་གཤེགས་པའི་སྐུ
287a4 གཟུགས་བྱས་པ་དང་། མཆོད་རྟེན་ཞིག་པ་བཅོས་པ་དང་། གཞན་དག་འཇིགས་པ་ལས་དབུགས་དབྱུང་བ་བྱས་པས་གྲུབ་པ་སྟེ། དགེ་བའི་རྩ་བ་ཚད་མེད་པས་ཆོས་འདི་དག་ལ
287a5 དབང་བསྒྱུར་བའི་ཕྱིར་དེ་བཞིན་གཤེགས་པའི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་པོ་དག་སྐུ་ལ་མངོན་པར་གྲུབ་པའོ། །དཔེ་བྱད་བཟང་པོ་བརྒྱད་ཅུ་གང་ཞེ་ན། སངས་རྒྱས
287a6 བཅོམ་ལྡན་འདས་ཀྱི་སེན་མོ་ཟངས་ཀྱི་མདོག་ལྟ་བུ་དང་། སེན་མོ་མདོག་སྣུམ་པ་དང་། སེན་མོ་མཐོ་བ་དང་། སེན་མོ་རྣམས་ཟླུམ་པ་དང་། སེན་མོ་རྣམས་རྒྱས་པ་དང་། སོར་མོ
287a7 རྣམས་བྱིན་གྱིས་ཕྲ་བ་དང་། རྩ་མི་མངོན་པ་དང་། རྩ་མདུད་པ་མེད་པ་དང་། ལོང་བུ་མི་མངོན་པ་དང་། ཞབས་མི་མཉམ་པ་མེད་པ་དང་། སེང་གེའི་སྟབས་སུ་གཤེགས་པ་དང་།
iiif viewer powered by OpenSeadragon
