| e-texts navigator |
| Wylie |
285a1 གཙུག་ཏོར་དང་ལྡན་པ་དང་། དེ་བཞིན་གཤེགས་པའི་སྐུ་ཤིང་ནྱ་གྲོ་དྷ་ལྟར་ཆུ་ཞེང་གབ་པ་དང་། ཀུན་ཏུ་མཛེས་པ་འདི་ནི་སྐྱེས་བུ་ཆེན་པོའི་མཚན་ཏེ།
285a2 འདི་དག་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་སོ། །དེ་བཞིན་གཤེགས་པའི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ཞབས་ཤིན་ཏུ་གནས་པ་འདི་ནི་སྔོན་ཡིད་མ
285a3 ལ་བརྟེན་པས་མངོན་པར་གྲུབ་པའོ། །དེ་བཞིན་གཤེགས་པའི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ཞབས་ཀྱི་འོག་གི་མཐིལ་གཉིས་འཁོར་ལོའི་མཚན་དང་ལྡན
285a4 པ་འདི་ནི་སྔོན་སྦྱིན་པ་སྣ་ཚོགས་པ་བསགས་པས་མངོན་པར་གྲུབ་པའོ། །དེ་བཞིན་གཤེགས་པའི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་རྟིང་པ་ཡངས་ཤིང་ཞབས
285a5 བྱིན་གྱིས་མཐོ་བ་འདི་ནི་སྔོན་སེམས་ཅན་གཞན་ལས་པ་བཀོད་པ་མ་བྱས་པས་མངོན་པར་གྲུབ་པའོ། །དེ་བཞིན་གཤེགས་པའི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་སོར
285a6 མོ་རིང་བ་འདི་ནི་སྔོན་སེམས་ཅན་རྣམས་ལ་ཆོས་ཀྱིས་བསྲུང་བ་དང་། བསྐྱབ་པ་དང་། སྦ་བ་བྱས་པས་མངོན་པར་གྲུབ་པའོ། །དེ་བཞིན་གཤེགས་པའི་སྐྱེས་བུ་ཆེན་པོའི
285a7 སྐྱེས་བུ་ཆེན་པོའི་མཚན་ཕྱག་དང་། ཞབས་དྲ་བས་འབྲེལ་བའི་འདི་ནི་སྔོན་གཡོག་འཁོར་གྱི་དབྱེན་མ་བྱས་པར་མངོན་པར་འགྲུབ་པའོ། །དེ་བཞིན་གཤེགས་པའི་སྐྱེས་བུ
iiif viewer powered by OpenSeadragon
