| e-texts navigator |
| Wylie |
258a1 ནས་དགའ་མགུ་ཡི་རངས་པར་གྱུར་ཏོ། །དེ་ནས་ཚེ་དང་ལྡན་པ་རབ་མཐོང་ཆེན་པོས་སྟོན་པའི་ཞལ་དུ་ལྟ་བ་མཐོང་ནས་ཏ་མ་སའི་ནགས་སུ་སོང
258a2 སྟེ|་ཕྱིན་ནས་བླ་གབ་མེད་པར་འགྲེང་སྟེ་གཎྜི་བརྡུངས་ཏེ། གཎྜིའི་སྒྲ་དེས་ཛམྦུའི་གླིང་ཁྱབ་པར་སྒྲ་གྲགས་པར་གྱུར་པ་ན་དགེ་སློང་དག་གིས་སྒྲ་ཐོས་ཏེ་སེམས་པ་ལ་ཞུགས
258a3 པ་དང་། སྒྲ་འདི་ནི་མུན་གྱི་ནགས་ནས་བྱུང་ངོ་སྙམ་མོ། །དེའང་སྔོན་གྱི་ཡང་དག་པར་རྫོགས་པའི་སངས་རྒྱས་དག་གི་བཞུགས་གནས། རང་སངས་རྒྱས་རྣམས་ཀྱིས་གནས
258a4 བཅས་པ། འདོད་ཆགས་དང་བྲལ་བ་དག་དང་དྲང་སྲོང་དག་གིས་གནས་སུ་གྱུར་པ་ཡིན་ལ་ད་ལྟར་ཡང་དེ་ཁོ་ན་བཙུན་པ་རབ་མཐོང་ཆེན་པོ་ཡིན་པར་གོ་ཞིང་ཤེས་ནས་མཐོང་སྟེ། དག
258a5 བཅོམ་པ་ཁྲི་བརྒྱད་སྟོང་སྙེད་ཀྱིས་མུན་གྱི་ནགས་སུ་ཕྱིན་ཏེ་དབྱར་གྱི་གནས་པའང་བཅས། ཚངས་པ་ལྷའི་དབང་པོ་དང་། འཇིག་རྟེན་སྐྱོང་བ་དེ་དག་གིས་དེ་བཞིན་གཤེགས་པའི
258a6 དབུ་སྐྲ་དང་། སེན་མོ་ཁྱེར་ཏེ་འོངས་ནས་དབུ་སྐྲ་དང་། སེན་མོའི་མཆོད་རྟེན་ཞིག་བཞེངས་སུ་གསོལ། གཙུག་ལག་ཁང་ཞིག་ཀྱང་བརྩིགས། རྡོ་རྗེའི་གཙུག་ལག་ཁང་དུ་མཚན
258a7 གསོལ། མི་མཇེད་བདག་པོ་ཚངས་པ་དང་། འཇིག་རྟེན་སྐྱོང་བ་བཞིས་ཀྱང་སོ་སོ་ནས་གཙུག་ལག་ཁང་རེ་རེ་བཞེངས་སུ་གསོལ། ལོ་དང་པོ་ལ་ལྷ་རྣམས་ཀྱིས་གནས་བཅས།
iiif viewer powered by OpenSeadragon
