| e-texts navigator |
| Wylie |
256a1 བ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན་ཡང་དག་པར་རྫོགས་པའི་སངས་རྒྱས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེའི་དགེ་སློང་ཤེ་ཌོ་ཀ་ཞེས་བྱ་བ་ལྷ་དང་།
256a2 མིས་མཆོད་པའི་མཆོག་ཏུ་གྱུར་པའང་དེ་ཉིད་ནའོ། །མཚམས་ཀྱི་རི་ལ་རྩཝའི་རིགས་ཟླ་བ་ཞེས་བྱ་བ་སྐྱེ་བས་ཟླ་བའི་རི་ཞེས་བཏགས
256a3 པར་གྱུར། ཀླུ་མོ་རྒྱལ་བ་ཞེས་བྱ་བ་གནས་པས་རྒྱལ་བའི་ནགས་ཞེས་བྱ་བར་བཏགས་པར་གྱུར། ཤིང་ཛམྦུ་ཞེས་བྱ་བ་སྐྱེ་བས་ཛམྦུའི་ཕུག་ཅེས་བཏགས་པར་གྱུར།
256a4 ཡང་དག་པར་རྫོགས་པའི་སངས་རྒྱས་འོད་སྲུང་འཁོར་གྱི་དགྲ་བཅོམ་པ་ཉི་ཁྲི་དང་གཤེགས་ཤིང་ཐབས་གཅིག་ཏུ་བཞུགས་པར་གྱུར། དེ་དག་ཀྱང་མྱ་ངན་ལས་འདས་།
256a5 བསྟན་པ་ནུབ་ནས་རང་སངས་རྒྱས་ཁྲི་ལྔ་སྟོང་གཤེགས་ཤིང་བཞུགས་པར་གྱུར། རང་སངས་རྒྱས་དེ་དག་ཀྱང་མྱ་ངན་ལས་འདས་ནས་མངོན་པར་ཤེས་པ་ལྔ་དང་ལྡན་པ་དྲང
256a6 སྲོང་ཁྲི་གནས་པར་གྱུར་ཏོ། །འདི་ནི་བཙུན་པ་རབ་མཐོང་ཆེན་པོ། བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་བརྒྱ་ཐུབ་པ་ན་ཡང་དག་པར་རྫོགས་པའི་སངས་རྒྱས་ཤཱཀྱ
256a7 ཐུབ་པ་འཇིག་རྟེན་དུ་བྱུང་སྟེ། འཕགས་པ་རབ་མཐོང་ཆེན་པོ་ཁྱོད་ལྷ་དང་། མིས་མཆོད་པའི་མཆོག་ཏུ་གྱུར་པའང་འདི་ཉིད་ནའོ། །མཚམས་ཀྱི་རི་ལ་རྩཝའི་རིགས་ཨུ་ཤི
iiif viewer powered by OpenSeadragon
