| e-texts navigator |
| Wylie |
255b1 སངས་རྒྱས་ལོག་པར་དད་སེལ་འཁོར་གྱི་དགྲ་བཅོམ་པ་ལྔ་ཁྲི་དང་ཐབས་གཅིག་ཏུ་གཤེགས་ཤིང་བཞུགས་པར་གྱུར། དེ་དག་ཀྱང་མྱ་ངན་ལས་འདས་ནས་མངོན་པར་ཤེས་པ
255b2 ལྔ་དང་ལྡན་པ་དྲང་སྲོང་སུམ་ཁྲིའང་དེ་ན་གནས་པར་གྱུར་ཏོ། །འདི་ནི་བཙུན་པ་རབ་མཐོང་ཆེན་པོ། སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་སུམ་ཁྲི་ཐུབ་པ་ན
255b3 ཡང་དག་པར་རྫོགས་པའི་སངས་རྒྱས་གསེར་ཐུབ་ཅེས་བྱ་བ་འཇིག་རྟེན་དུ་བྱུང་སྟེ། དེའི་དགེ་སློང་ཆོས་འཕགས་ཞེས་བྱ་བ་ལྷ་དང་། མིས་མཆོད་པའི་མཆོག་ཏུ་གྱུར་པའང་དེ་ཉིད་ནའོ།།
255b4 མཚམས་ཀྱི་རི་དེ་ལ་རྩཝའི་རིགས་ཁ་དོག་ལྗང་ལོ་ཅན་ཞེས་བྱ་བ་སྐྱེ་བས་ཁ་དོག་ལྗང་ལོ་རི་ཞེས་བཏགས་པར་གྱུར། ཐིག་ལེ་ཞེས་བྱ་བའི་ཀླུ་མོ་གནས་པས་ཐིག་ལེའི་ནགས་ཞེས
255b5 བཏགས་པར་གྱུར། ཤིང་ཀ་པི་ཏ་སྐྱེ་བས་ཀ་པི་ཏའི་ཕུག་ཅེས་བཏགས་པར་གྱུར། ཡང་དག་པར་རྫོགས་པའི་སངས་རྒྱས་གསེར་ཐུབ་འཁོར་དགྲ་བཅོམ་པ་བཞི་ཁྲི་དང་གཤེགས
255b6 ཤིང་ཐབས་གཅིག་ཏུ་བཞུགས་པར་གྱུར། དེ་དག་ཀྱང་མྱ་ངན་ལས་འདས། བསྟན་པ་ནུབ་ནས་རང་སངས་རྒྱས་སུམ་ཁྲིའང་གཤེགས་ཤིང་བཞུགས་པར་གྱུར། རང་སངས
255b7 རྒྱས་དེ་དག་ཀྱང་མྱ་ངན་ལས་འདས་ནས་མངོན་པར་ཤེས་པ་ལྔ་དང་ལྡན་པ་དྲང་སྲོང་ཉི་ཁྲིའང་དེ་ཉིད་ན་གནས་པར་གྱུར་ཏོ། །འདི་ནི་བཙུན་པ་རབ་མཐོང་ཆེན་པོ། སྔོན་བྱུང
iiif viewer powered by OpenSeadragon
