| e-texts navigator |
| Wylie |
241a1 ལྟར་རབ་ཏུ་འབར་བ་ལ། །དགར་བྱར་ཅི་ཡོད་མགུར་ཅི་ཡོད། །མུན་པའི་ནང་ཞུགས་གནས་པ་དག་།ཅི་ཕྱིར་སྒྲོན་མ་ཚོལ་མི་བྱེད། །བཅོམ་ལྡན་འདས་ཀྱིས
241a2 དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །མི་རྟག་པ་ཉིད་ཀྱི་མདོ་རྫོགས་སོ།། །།
241a3 རྒྱ་གར་སྐད་དུ། ད་ཤ་སཾ་ཛྙ་དེ་ཤ་སཱུ་ཏྲ། བོད་སྐད་དུ། འདུ་ཤེས་བཅུ་བསྟན་པའི་མདོ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན།
241a4 བཅོམ་ལྡན་འདས་ཀུ་ཤའི་གྲོང་ཁྱེར་གྱད་ཀྱི་ཉེ་འཁོར་ཤིང་སླ་ལ་ཟུང་གི་ཚལ་ན་བཞུགས་ཏེ། ཡོངས་སུ་མྱ་ངན་ལས་འདའ་བར་དགོངས་པའི་དུས་ཀྱི་ཚེ། བཅོམ་ལྡན་འདས
241a5 ཀྱིས་འཁོར་བཞི་པོ་རྣམས་ལ་བཀའ་སྩལ་པ། དགེ་སློང་དག་འཆི་ཀའི་དུས་ཀྱི་ཚེ་འདུ་ཤེས་བཅུ་མངོན་དུ་བསྒོམ་པར་བྱའོ། །བཅུ་གང་ཞེ་ན། ཚེ་འདིའི་སྤྱོད་ཡུལ་ལ་མ་ཆགས
241a6 པའི་འདུ་ཤེས་དང་། སེམས་ཅན་ཐམས་ཅད་ལ་སྙིང་རྗེ་དང་། བྱམས་པའི་འདུ་ཤེས་དང་། འཁོན་དུ་འཛིན་པ་ཐམས་ཅད་ཡོངས་སུ་འདོར་ཞིང་སྤོང་བའི་འདུ་ཤེས་དང་། ཚུལ
241a7 ཁྲིམས་འཆལ་ཅིང་ཉམས་པ་ཐམས་ཅད་བཤགས་ཤིང་། ཚུལ་ཁྲིམས་ཐམས་ཅད་ཡང་དག་པར་བླང་བའི་འདུ་ཤེས་དང་། བདག་དང་། གཞན་གྱིས་ཉེས་པ་ཆེན་པོ་བྱས་པ
iiif viewer powered by OpenSeadragon
