| e-texts navigator |
| Wylie |
240b1 ཉིད་གཅིག་པུ་འདུལ་བར་བྱེད་ཅིང་བདག་ཉིད་ཞི་བར་བྱེད་ལ། བདག་ཉིད་ཡོངས་སུ་མྱ་ངན་ལས་འདའ་བར་བྱེད་པ་དེ་རྣམས་ཀྱང་ཡིད་དུ་འོང་བའི་ལུས་སྤོང་བར་བྱེད་པའི་ཆོས
240b2 ཅན་ནོ། །གང་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྟོབས་བཅུའི་སྟོབས་དང་ལྡན་པ། མི་འཇིགས་པ་བཞིས་བསྙེངས་པ་མི་མངའ
240b3 བ|་ཁྱུ་མཆོག་གི་གནས་སུ་ཞལ་གྱིས་འཆེ་བ། སྐུ་ལ་སྲེད་མེད་ཀྱི་སྟོབས་བརྟན་པ་འདུས་པ། སེང་གེའི་སྒྲ་ཡང་དག་པར་སྒྲོགས་པ་དེ་རྣམས་ཀྱང་ཡིད་དུ་འོང་བའི་སྐུ་སྤོང་བར
240b4 མཛད་པའི་ཆོས་ཅན་ནོ། །དགེ་སློང་དག་།འདི་ལྟ་སྟེ། རྫ་མཁན་གྱི་སྣོད་རྣམས་བྱས་པ་ནི། སོ་བཏང་བའམ། སོ་མ་བཏང་བ་དེ་དག་ཐམས་ཅད་ཀྱང་འཇིག་པ་དང་། མཐར
240b5 ཟད་པར་འགྱུར་རོ། །དགེ་སློང་དག་།དེ་བཞིན་དུ་སེམས་ཅན་ཐམས་ཅད་དང་། འབྱུང་པོ་ཐམས་ཅད་དང་། སྲོག་ཆགས་ཐམས་ཅད་ཀྱི་གསོན་པའི་མཐའ་ནི་འཆི་བ་ཡིན་ཞིང
240b6 མཐར་འཆི་བར་འགྱུར་བ་སྟེ། སྐྱེས་ནས་འཆི་བར་མི་འགྱུར་བ་མེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན
240b7 པས་གཞན་ཡང་འདི་སྐད་བཀའ་སྩལ་ཏོ། །ཀྱེ་མ་འདུ་བྱེད་རྣམས་མི་རྟག་།སྐྱེ་ཞིང་འཇིག་པའི་ཆོས་ཅན་ཡིན། །སྐྱེས་ནས་འཇིག་པར་འགྱུར་བ་སྟེ། །དེ་བས་ཉེ་བར་ཞི་བ་བདེ། །དེ
iiif viewer powered by OpenSeadragon
