| e-texts navigator |
| Wylie |
223b1 མི་ཞིམ་ན་མང་པོ་ལྟ་ཅི་སྨོས། དེ་ལྟར་དེ་བཞིན་དུ་ང་ནི་སྲིད་པ་མངོན་པར་སྒྲུབ་པ་ཆུང་དུ་ལའང་ཐ་ན་དེའི་སྐད་ཅིག་ཙམ་ཡང་བསྔགས་པ་མི་མཛད་དོ། །དེ་ཅིའི་ཕྱིར་ཞེ་ན། དགེ་སློང་དག་།སྲིད
223b2 པ་མངོན་པར་སྒྲུབ་པ་ནི་སྡུག་བསྔལ་ཡིན་པའི་ཕྱིར་རོ། །སོ་སོའི་སྐྱེ་བོ་བྱིས་པ་ཐོས་པ་དང་མི་ལྡན་པ་དེ་དག་ནི་འགྲོ་བ་ལྔ་པོའི་འཁྲོ་བ་གང་དུ་ཡང་དང་། ཡང་དུ་དམྱལ་བ་རྣམས་དང་། ཡང
223b3 དང་|་ཡང་དུ་དུད་འགྲོ་རྣམས་དང་། ཡང་དང་། ཡང་དུ་ངན་སོང་ངན་འགྲོ་ལོག་པར་ལྟུང་བ་རྣམས་སུ་ཀུན་ཏུ་རྒྱུག་།ཀུན་ཏུ་རབ་ཏུ་རྒྱུག་གོ་།དགེ་སློང་དག་།དེ་ལྟ་བས་ན་དེའི་ཕྱིར་འདི་ལྟར
223b4 བསླབ་པར་བྱ་སྟེ། སྲིད་པ་རྒྱུན་ཆད་པར་བྱ་བ་གང་ཡིན་པ་ལ་བརྩོན་པར་བྱ་ཞིང་སྲེད་པ་མངོན་པར་མི་བསྒྲུབ་པར་བྱའོ། །དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །བཅོམ
223b5 ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཚེའི་མཐའི་མདོ་རྫོགས་སོ།། །།
223b6 རྒྱ་གར་གྱི་མཁན་པོ་བི་ཤུདྡྷ་སིདྷ་དང་། ལོཙྪ་བ་བནྡེ་དགེ་བའི་དཔལ་གྱིས་བསྒྱུར། རྒྱ་གར་གྱི་མཁན་པོ་བིདྱཱ་ཀ་ར་སིདྷ་དང་། ཞུས་ཆེན་གྱི་ལོཙྪ་བ་བནྡེ་དཔལ་བརྩེགས་ཀྱིས་ཞུས་ཆེན་བགྱིས
223b7 ཏ་གཏན་ལ་ཕབ་པ། ། །།རྒྱ་གར་སྐད་དུ། ཨཱ་ཡུཿཔ་ཏཱི་ཡ་ཐཱ་ཀཱ་རོ་པ་རི་པྲྀ་ཙྪ་སཱུ་ཏྲ། བོད་སྐད་དུ། ཚེ་འཕོ་བ་ཇི་ལྟར་འགྱུར་པ་ཞུས་པའི་མདོ། སངས་རྒྱས་དང་། བྱང་ཆུབ
iiif viewer powered by OpenSeadragon
