| e-texts navigator |
| Wylie |
223a1 འཆི་བ་ནི་ཡོད་དོ། །དགེ་སློང་དག་།ནམ་མཁའ་མཐའ་ཡས་སྐྱེ་མཆེད་དུ་ཉེ་བར་འགྲོ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་ཉི་ཁྲི་སྟེ། བར་མ་དོར་འཆི་བ་ནི
223a2 ཡོད་དོ། །དགེ་སློང་དག་།རྣམ་ཤེས་མཐའ་ཡས་སྐྱེ་མཆེད་དུ་ཉེ་བར་འགྲོ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་བཞི་ཁྲི་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ཅི་ཡང
223a3 མེད་པའི་སྐྱེ་མཆེད་དུ་ཉེ་བར་འགྲོ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་དྲུག་ཁྲི་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།འདུ་ཤེས་མེད་འདུ་ཤེས་མེད་མིན་སྐྱེ་མཆེད་དུ་ཉེ
223a4 བར་འགྲོ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་བརྒྱད་ཁྲི་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།དེ་ལྟར་དམྱལ་བ་ཆེན་པོ་མནར་མེད་པ་ནས་འདུ་ཤེས་མེད་འདུ་ཤེས
223a5 མེད་མིན་སྐྱེ་མཆེད་ཀྱི་བར་དེ་དག་ནི། དགེ་སློང་དག་།སྲིད་པའི་རྩེ་མོ་དང་། དེ་དག་ནི་སྲིད་པའི་རྩེ་མོ་ཡིན་ནོ། །དེ་དག་ནི་སྲིད་པ་འབྱུང་བ་ཡིན་ཏེ། དེ་དག་ནི་འགྲོ་བ་ལྔའི་སེམས
223a6 ཅན་རྣམས་འོང་བ་དང་། འགྲོ་བ་དང་། གནས་པ་དང་། འཆི་བ་དང་། སྐྱེ་བར་སྣང་ངོ་། །སྲིད་པའི་འབྱུང་བས་ཆོག་ཤེས་པར་གྱིས་ཤིག་།ང་ནི་སྲིད་པ་མངོན་པར་སྒྲུབ་པ་ཆུང་དུ
223a7 ལའང་ཐ་ན་དེའི་སྐད་ཅིག་ཙམ་ཡང་བསྔགས་པ་མི་མཛད་དོ། །དེ་ཅིའི་ཕྱིར་ཞེ་ན། སྲིད་པ་མངོན་པར་སྒྲུབ་པ་ནི་སྡུག་བསྔལ་ཡིན་པའི་ཕྱིར་ཏེ། དཔེར་ན། མི་གཙང་བ་ནི་ཉུང་དུའང
iiif viewer powered by OpenSeadragon
