| e-texts navigator |
| Wylie |
222a1 བརྟེན་ནས། །བློ་ངན་གང་ཞིག་སྨོད་བྱེད་པ། །ཚེར་ཅན་འོད་མའི་འབྲས་བུ་ལྟར། །དེ་ནི་འབྲས་བུ་རླག་པར་བྱེད། །དགེ་བར་འགྱུར་བ་བརྗོད་བྱ་སྟེ། །སྡིག་པ
222a2 ཅན་དག་མི་བརྗོད་དོ། །དགེ་བ་སྨྲས་ན་ལེགས་པར་འགྱུར། །སྡིག་པ་སྨྲས་ན་སྲེག་འགྱུར་བས། །གལ་ཏེ་སྨྲ་ན་དགེ་བ་སྨྲའི། །སྡིག་པ་སྨྲས་ན་རླག་པར་འགྱུར། །བྱིས་པ་རྣམས་ནི
222a3 སྡིག་སྨྲ་སྟེ། །འཕགས་པ་རྣམས་ནི་མ་ཡིན་ནོ། །འདིར་ནི་ངན་འགྲོར་འགྲོ་བ་ཡི། །ལས་ནི་ཤས་ཆེར་བྱས་པས་ན། །ལས་དེ་དག་གིས་མནར་མེད་པའི། །དམྱལ་བ་དག་ཏུ་སྐྱེ་བར
222a4 འགྱུར། །དགེ་སློང་དག་།ཚངས་རིས་ཀྱི་ལྷ་རྣམས་ཀྱི་ཚེའི་ཚད་ནི་བསྐལ་པ་ཕྱེད་དེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ཚངས་པའི་མདུན་ན་འདོན་གྱི་ལྷ་རྣམས་ཀྱི་ཚེའི
222a5 ཚད་ནི་བསྐལ་པའི་བཞི་ཆ་གསུམ་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ཚངས་ཆེན་གྱི་ལྷ་རྣམས་ཀྱི་ཚེའི་ཚད་ནི་བསྐལ་པ་གཅིག་ཐུབ་སྟེ། བར་མ་དོར་འཆི་བ་ནི
222a6 ཡོད་དོ། །དགེ་སློང་དག་།འོད་ཆུང་གི་ལྷ་རྣམས་ཀྱི་ཚེའི་ཚད་ནི་བསྐལ་པ་གཉིས་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ཚད་མེད་འོད་ཀྱི་ལྷ་རྣམས་ཀྱི་ཚེའི་ཚད་ནི
222a7 བསྐལ་པ་བཞི་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།འོད་གསལ་གྱི་ལྷ་རྣམས་ཀྱི་ཚེའི་ཚད་ནི་བསྐལ་པ་བརྒྱད་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང
iiif viewer powered by OpenSeadragon
