| e-texts navigator |
| Wylie |
219b1 དག་ནི་ཡིད་ཕྱུང་བས། །འཇིགས་སུ་རུང་བའི་སྒྲ་འབྱིན་ཅིང་། །ཡུན་རིང་དུ་ནི་སྲེག་འབོད་འགྱུར། །དགེ་སློང་དག་།མི་རྣམས་ཀྱི་ལོ་བརྒྱད་བརྒྱ་གང་ཡིན་པ་དེ་འཕྲུལ་དགའི་ལྷ་རྣམས་ཀྱི་ཉིན
219b2 ཞག་གཅིག་གོ་། ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། འཕྲུལ་དགའི་ལྷ་རྣམས་ཀྱི་ཚེ་ཚད་ནི་ལོ་དེ་ལྟ་བུར་བརྩིས་པའི་ལོ་བརྒྱད་སྟོང་ཐུབ་སྟེ། དེ་མིའི
219b3 ལྟར་བརྩིས་ན་ལོ་བྱེ་བ་ཕྲག་ཉིས་བརྒྱ་སུམ་ཅུ་དང་། ལོ་ས་ཡ་ཕྲག་བཞི་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནི་སེམས་ཅན་དམྱལ་བ་ཆེན་པོ་དུ་འབོད་ཆེན་པོའི་ཉིན་ཞག་གཅིག་གོ།
219b4 ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། སེམས་ཅན་དམྱལ་བ་ཆེན་པོ་དུ་འབོད་ཆེན་པོའི་སེམས་ཅན་དམྱལ་བ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས
219b5 པའི་ལོ་བརྒྱད་སྟོང་ཡོད་དོ། །དེ་མིའི་ལྟར་བརྩིས་ན་ལོ་བྱེ་བ་ཕྲག་ས་ཡ་གསུམ་དང་། བྱེ་བ་ཕྲག་ལྔ་འབུམ་ཁྲི་ཉིས་སྟོང་དྲུག་ཅུ་རྩ་དྲུག་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནས
219b6 བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ལྟ་བའི་ཐིབས་པོས་ཁེབས་གྱུར་ཅིང་། །སྲེད་པའི་གཡོག་པས་གཡོགས་པ་དག་།སྡིག་པའི་ཆོས་ནི་སྤྱོད་པ
219b7 ཡིས|་|དུ་འབོད་དག་ཏུ་སྐྱེ་བར་འགྱུར། །ཡིད་གཅུགས་ཉམས་པའི་མི་དག་ནི། ཁ་སྤུ་སློང་ཞིང་འབར་བ་ཡིས། །བསྐོར་བའི་ཁྱིམ་གྱི་ནང་ཆུང་ནས། །དུ་འབོད་ཆེན་པོ་སྲེག་པར་འགྱུར། །
iiif viewer powered by OpenSeadragon
