| e-texts navigator |
| Wylie |
215a1 གི་སྒྲ་མི་སྙན་རྣམས་ཀྱི་ཚེའི་ཚད་ནི་ལོ་སྟོང་སྟེ། བར་མ་དོར་འཆི་བ་ནི་མེད་དོ། །རྒྱུ་གང་གིས་སྒྲ་མི་སྙན་པ་རྣམས་ཀྱི་ཚེའི་ཚད་ནི་ལོ་སྟོང་ཐུབ་ལ། བར་མ་དོར
215a2 འཆི་བ་ནི་མེད་ཅེ་ན། དགེ་སློང་དག་།བྱང་གི་སྒྲ་མི་སྙན་གྱི་མི་རྣམས་ནི་བདག་གི་བ་མེད་ཅིང་ཡོངས་སུ་འཛིན་པ་མེད་ལ་ཚེ་ངེས་པ་ཡོད་ཅིང་འདི་ནས་ཤི་འཕོས་ནས་ཀྱང་ཁྱད་པར་དུ་འགྲོ
215a3 བ་སྟེ། ཕྱི་མ་ལ་མཐོ་རིས་སུ་ཉེ་བར་འགྲོའོ། །དགེ་སློང་དག་།རྒྱུ་དེས་ན་བྱང་གི་སྒྲ་མི་སྙན་གྱི་མི་རྣམས་ཀྱི་ཚེའི་ཚད་ནི་ལོ་སྟོང་ཐུབ་ལ་བར་མ་དོར་འཆི་བ་ནི་མེད་དོ། །དེ་ནས་བཅོམ
215a4 ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། དབུལ་བས་སྡུག་བསྔལ་སེམས་ཅན་དག་།གཞན་གྱི་ནོར་ལ་སྨོན་པར་བྱེད། །དེ་དག་དམ་པ་མ་བསྟེན་པས། །གཞན
215a5 གྱི་མངག་གཞུག་ངན་ཅིང་དམན། །ལོངས་སྤྱོད་དག་དང་ལྡན་པ་ཡི། །ཕྱུག་ཅིང་ནོར་མང་སེམས་ཅན་ནི། །ནོར་དང་འབྲུ་དང་སྐྱེ་བོར་ལྡན། །དེ་དག་དམ་པ་བསྟེན་པ་ཡིན། །བསོད
215a6 ནམས་ཕྱུག་པས་ཉེར་འཚོ་བའི། །དགེ་བའི་ལས་ནི་འདིར་བྱས་པས། །འབྱོར་པ་ཆེན་པོ་ཕུན་སུམ་ཚོགས། །ལྷ་བཞིན་དུ་ནི་དགའ་བར་བྱེད། །ལྐོག་གྱུར་གང་ཡིན་མི་སྣང་སྟེ། །
215a7 མངོན་སུམ་འདི་ལ་བལྟ་བར་བྱོས། །གང་ཟག་ཁ་ཅིག་འཇིག་རྟེན་ན། །བདེ་ལྡན་སྔོན་བྱིན་འབྲས་བུ་ཡིན། །བྱང་ཕྱོགས་གླིང་གི་མི་རྣམས་ནི། །བདག་གི་མེད་ཅིང་ཡོངས་འཛིན
iiif viewer powered by OpenSeadragon
