| e-texts navigator |
| Wylie |
214b1 དུད་འགྲོ་རྣམས་ཀྱི་ཚེའི་ཚད་ནི་རིང་ན་བསྐལ་པ་གཅིག་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།མི་རྣམས་ཀྱི་ཉིན་ཞག་སུམ་ཅུ་གང་ཡིན་པ་དེ་ཡི་དྭགས་རྣམས་ཀྱི་ཉིན་ཞག
214b2 གཅིག་གོ་། ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། ཡི་དྭགས་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལྔ་བརྒྱ་ཐུབ་སྟེ། དེ་མིའི་ལྟར་བརྩིས་ན་ལོ
214b3 ཁྲི་ལྔ་སྟོང་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ཇི་ལྟར་རབ་ཏུ་ཆེ་བའི་ལུས་འགྲེང་ཞིང་། །མཆུ་དང་མིད
214b4 བསྐམས་ཤིན་ཏུ་སྡུག་བསྔལ་བ། །རང་གི་སྐྲས་ཡོག་ཁ་གདངས་གནམ་དུ་ལྟ། །སྣ་ནི་ཁབ་ལྟར་རབ་ཏུ་ཕྲ་བ་དང་། །རུས་གོང་འདྲ་ལུས་གཅེར་བུ་རང་སྐྲས་ཡོག་།གཟུགས་མི་སྡུག
214b5 པ་འགྲེང་ཞིང་ཐོད་པ་ཐོགས། །བཀྲེས་དང་སྐོམ་དང་ངལ་བས་ར་བ་གཟིར་གང་། །ཆོ་ངེས་འདེབས་ཤིང་ཀུན་ཏུ་རྒྱུག་པ་དག་།ཉམ་ཐག་སྐད་འབྱིན་སྡུག་བསྔལ་ཚོར་བ་མྱོང་། །ཕན་ཚུན
214b6 ཕྲག་དོག་སེར་སྣ་འདིར་བསྟེན་ཅིང་། །འདིར་ནི་སྡིག་པའི་ལས་དག་བྱས་པ་ཡིས། །ཡི་དྭགས་འཇིག་རྟེན་དུ་ནི་དེ་དག་སྐྱེས། །དགེ་སློང་དག་།ཤར་གྱི་ལུས་འཕགས་ཀྱི་མི་རྣམས་ཀྱི་ཚེའི་ཚད
214b7 ནི་ལོ་ཉིས་བརྒྱ་ལྔ་བཅུ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ནུབ་ཀྱི་བ་ལང་སྤྱོད་ཀྱི་མི་རྣམས་ཀྱི་ཚེའི་ཚད་ལོ་ལྔ་བརྒྱ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།བྱང
iiif viewer powered by OpenSeadragon
