| e-texts navigator |
| Wylie |
210a1 བཞིན་པ་ཉིད་འདི་འཇིག་ཅེ་ན། གཞི་ཇི་བཞིན་པ་ནི་བརྐམ་ཆགས་ཀྱི་གནས་མལ་སྤོང་བ་ཡིན་ཏེ། བརྐམ་ཆགས་ཀྱི་གནས་མལ་སྤོང་བ་ཞེས་བྱ་བ་ནི་སྔ་ན
210a2 འདུག་པ་བསླང་ནས་གནས་མལ་ལེན་པར་མི་བྱེད་དོ། །བརྐམ་ཆགས་ཀྱི་གནས་མལ་ལེན་པས་ནི་གཞི་ཇི་བཞིན་པ་ཉིད་འཇིག་གོ་།ཇི་ལྟར་ཙོག་པུ་པ་ཉིད་ཡང་དག་པར་ལེན་ཅེ་ན།
210a3 ཉལ་ན་རྨུགས་པ་དང་། གཉིད་དང་། ལེ་ལོའི་དབང་དུ་འགྲོ་བའི་ཉེས་དམིགས་ཀྱང་མཐོང་། ཙོག་པུ་པ་ཉིད་ཀྱི་ཡོན་ཏན་དག་ཀྱང་མཐོང་ནས། འདི་སྐད་ཅེས། དེང་སླན་ཆད་ཉལ
210a4 བ་སྤོང་སྟེ། ཙོག་པུ་པ་ཉིད་ཡང་དག་པར་ལེན་ཏོ་ཞེས་ཡང་དག་པར་ལེན་ཏོ། །དེ་ལ་ཙོག་པུ་པ་ཉིད་ཀྱི་ཡོན་ཏན་ནི་འདི་དག་ཡིན་ཏེ། ལེ་ལོའི་གཞི་ཡོངས་སུ་སྤོང་བ་དང་། ལུས
210a5 ལ་ཆགས་པ་དང་། སེར་སྣ་ཡོངས་སུ་སྤོང་བ་དང་། འཕྲེས་པའི་བདེ་བ་ལ་མ་ཆགས་པ་དང་། བཙལ་བ་ཉུང་བ་དང་། གཉིད་ཆུང་བ་དང་། རྣལ་འབྱོར་དང་མཐུན་པ་དང་། ལུས་ཀྱི་གནས
210a6 རྒྱ་སྐྱེ་བ་དང་། སྐྱེས་བུ་དམ་པའི་སྤྱོད་པ་ཉིད་དང་། ཡོ་བྱད་བསྙུངས་པའི་ཚུལ་ཅན་ཏེ། དེ་ལྟ་བུ་ལ་སོགས་པ་ནི་ཙོག་པུ་པ་ཉིད་ཀྱི་ཡོན་ཏན་དག་ཡིན་ནོ། །ཙོག་པུ་པ་ནི་གང་ཡིན། གང
210a7 གིས་ནི་ཙོག་པུ་པ་ཉིད་འདི་འཇིག་ཅེ་ན། ཙོག་པུ་པ་ནི་ཉལ་བ་སྤོང་བ་ཡིན་ནོ། །ཉལ་བ་ཁས་ལེན་པས་ནི་ཙོག་པུ་པ་ཉིད་འཇིག་གོ་།དེ་ལ་ཕྱག་དར་ཁྲོད་པ་ཉིད་ཀྱི་སྐབས་ཕྱེ་བ་ནི་ཕྱག
iiif viewer powered by OpenSeadragon
