| e-texts navigator |
| Wylie |
209b1 ཁྱིམ་དུ་འདུག་པར་མི་བྱ། སྐྱེ་བོ་མང་པོའི་ཚོགས་ལྷགས་ན་ཁྲེའུ་དང་། ཆོས་གོས་དང་། རིལ་བ་བླངས་ཏེ་སོང་ན་སྲེག་པ་ནས་ཧ་ཅང་ཡང་མི་རིང་བ། རྡོ་རྒྱང་གིས་སླེབ་ཙམ་གྱི་ནང་དུ་དུར་ཁྲོད
209b2 དུ་གནས་པར་བྱ་ཞིང་། སྐྱ་རེངས་ཤར་ནས་ཁྲེའུ་དང་། ཆོས་གོས་དང་། རིལ་བ་བླངས་ནས་སླར་འགྲོ་བར་བྱ་བ་འདི་ནི་འདིའི་སྤྱོད་པ་མ་ཡིན་ནོ། །དུར་ཁྲོད་པ་ནི་གཞན་དུ་གནས་པ་སྤངས
209b3 པ་ཡིན་ནོ། །གཞན་དུ་གནས་པ་ཁས་ལེན་པས་ནི་དུར་ཁྲོད་པ་ཉིད་འཇིག་གོ་།གཞི་ཇི་བཞིན་པ་ཉིད་ཇི་ལྟར་ཡང་དག་པར་ལེན་ཅེ་ན། བརྐམ་ཆགས་ཀྱི་གནས་མལ་ལ་ཕན་ཚུན
209b4 ལྡང་བ་ཕ་རོལ་ལ་གནོད་པ་བྱེད་པའི་ཉེས་དམིགས་ཀྱང་མཐོང་། གཞི་ཇི་བཞིན་པ་ཉིད་ཀྱི་ཡོན་ཏན་དག་ཀྱང་མཐོང་ནས། འདི་སྐད་ཅེས། དེང་སླན་ཆད་བརྐམ་ཆགས་ཀྱི་གནས་མལ
209b5 སྤོང་སྟེ། གཞི་ཇི་བཞིན་པ་ཉིད་ཡང་དག་པར་ལེན་ཏོ་ཞེས་ཡང་དག་པར་ལེན་ཏོ། །དེ་ལ་གཞི་ཇི་བཞིན་པ་ཉིད་ཀྱི་ཡོན་ཏན་ནི་འདི་དག་ཡིན་ཏེ། ནང་དུ་ཡང་དག་པར་འཇོག་ལ་བླ་མར
209b6 བཀུར་བ་དང་། ཇི་ལྟར་རྙེད་པས་ཆོག་ཤེས་པ་དང་། དེ་ལ་ཆགས་པ་སྤོང་བ་དང་། བྱམས་པའི་སེམས་དང་། གཅིག་པུ་ཉིད་ལ་དགའ་བ་དང་། དད་པར་བྱ་བ་ཉིད་དང་། སྐྱེས་བུ་དམ
209b7 པའི་སྤྱོད་པ་ཉིད་དང་། ཡོ་བྱད་བསྙུངས་པའི་ཚུལ་ཅན་ཏེ། དེ་ལྟ་བུ་ལ་སོགས་པ་ནི་གཞི་ཇི་བཞིན་པ་ཉིད་ཀྱི་ཡོན་ཏན་དག་ཡིན་ནོ། །གཞི་ཇི་བཞིན་པ་ནི་གང་ཡིན། གང་གིས་ནི་གཞི་ཇི
iiif viewer powered by OpenSeadragon
