| e-texts navigator |
| Wylie |
209a1 དག་པར་ལེན་ཏོ། །དེ་ལ་དུར་ཁྲོད་པའི་ཡོན་ཏན་ནི་འདི་དག་ཡིན་ཏེ། འཆི་བ་རྗེས་སུ་དྲན་པ་འཐོབ་པ་དང་། མི་སྡུག་པའི་མཚན་མ་འཐོབ་པ་དང་། མིས
209a2 བླ་མར་བཀུར་བ་དང་། མི་མ་ཡིན་པས་བླ་མར་བཀུར་བ་དང་། བག་ཡོད་པའི་རྒྱུ་སྐྱེ་བ་དང་། འདོད་པའི་འདོད་ཆགས་རྣམ་པར་གནོན་པ་ཉིད་དང་། ཡིད་འབྱུང་བ་མང་བ་ཉིད་དང་།
209a3 འཇིགས་པ་དང་། སྐྲག་པ་བཟོད་པ་ཉིད་དང་། གསོན་པས་རྒྱགས་པ་སྤོང་བ་ཉིད་དང་། ལུས་ཀྱི་རང་བཞིན་ལ་ཡང་དང་། ཡང་དུ་སོ་སོར་རྟོག་པ་ཉིད་དང་། སྐྱེས་བུ་དམ་པའི་སྤྱོད
209a4 པ་ཉིད་དང་། ཡོ་བྱད་བསྙུངས་པའི་ཚུལ་ཅན་ཏེ། དེ་ལྟ་བུ་ལ་སོགས་པ་ནི་དུར་ཁྲོད་པ་ཉིད་ཀྱི་ཡོན་ཏན་དག་ཡིན་ནོ། །དུར་ཁྲོད་ཇི་ལྟ་བུར་ནི་གནས་པར་བྱ། དུར་ཁྲོད་པ་ནི་གང
209a5 ཡིན|་གང་གིས་ནི་དུར་ཁྲོད་པ་ཉིད་འཇིག་ཅེ་ན། དང་པོར་ནི་རྟག་ཏུ་སྲེག་པ་དང་། དུ་བ་དང་། འབར་བ་དང་། དུ་བ་ཡོད་པ་དེ་ལྟ་བུའི་དུར་ཁྲོད་དུ་གནས་པར་བྱ་ལ། དེ་ནས་ནི
209a6 དུར་ཁྲོད་གཞན་གང་ཡང་རུང་བར་ཡང་གནས་པར་བྱའོ། །དུར་ཁྲོད་པས་དུར་ཁྲོད་དུ་སྤྱིལ་པུ་དང་། ཁང་པ་མི་བྱ། རླུང་ཡས་ལྡང་བ་དང་། མས་ལྡང་བར་གནས་པར་མི་བྱ།
209a7 ཁུམ་འཕྲིག་ཅན་དུ་གནས་པར་མི་བྱ། ཉ་ཤ་དང་། ཤ་དང་། འོ་མ་དང་། ཏིལ་གྱི་ཆུར་བདེ་དང་། མོན་སྲན་གྲེའུའི་བཟའ་བ་བསྟེན་པར་མི་བྱ། ལྷུང་བཟེད་སྦྱིན་པར་མི་བྱ།
iiif viewer powered by OpenSeadragon
