| e-texts navigator |
| Wylie |
207a1 ཡོ་བྱད་བསྙུངས་པ་མ་ཡིན་པའི་ཉེས་དམིགས་ཀྱང་མཐོང་། ཟས་ཕྱིས་མི་ལེན་པ་ཉིད་ཀྱི་ཡོན་ཏན་དག་ཀྱང་མཐོང་ནས། འདི་སྐད་དུ། དེང་སླན་ཆད་ཟས
207a2 ལྷག་པ་སྤོང་སྟེ། ཟས་ཕྱིས་མི་ལེན་པ་ཉིད་ཡང་དག་པར་ལེན་ཏོ་ཞེས་ཡང་དག་པར་ལེན་ཏོ། །དེ་ལ་ཟས་ཕྱིས་མི་ལེན་པ་ཉིད་ཀྱི་ཡོན་ཏན་ནི་འདི་དག་ཡིན་ཏེ། རེ་བ་རབ་ཏུ་ཆད་པ་དང་།
207a3 དགང་སླ་བ་དང་། གཞན་ལ་རག་མ་ལས་པ་ཉིད་དང་། གསོག་འཇོག་ཡོངས་སུ་སྤོང་བ་དང་། ཡང་མི་ཚོལ་བ་ཉིད་དང་། བརྐམ་ཆགས་མེད་པ་ཉིད་དང་། ཕུལ་མི་སྐྱེ་བ་ཉིད་དང་། སྐྱེས
207a4 བུ་དམ་པའི་སྤྱོད་པ་ཉིད་དང་། ཡོ་བྱད་བསྙུངས་པའི་ཚུལ་ཅན་ཏེ། དེ་ལྟ་བུ་ལ་སོགས་པ་ནི་ཟས་ཕྱིས་མི་ལེན་པའི་ཡོན་ཏན་དག་ཡིན་ནོ། །ཟས་ཕྱིས་མི་ལེན་པ་ནི་དུ་ཞིག་།ཟས་ཕྱིས
207a5 མི་ལེན་པ་ནི་གང་ཞིག་ཡིན། གང་གིས་ནི་ཟས་ཕྱིས་མི་ལེན་པ་ཉིད་འཇིག་ཅེ་ན། ཟས་ཕྱིས་མི་བླང་བ་ནི་གཉིས་ཏེ། ལྷག་པའི་མཐའ་པ་ཉིད་དང་། བཟུང་བའི་མཐའ་པའོ། །དེ་ལ
207a6 ལྷག་པའི་མཐའ་པ་ཞེས་བྱ་བ་ནི་ཟོས་ཏེ་སྤངས་ནས་ཡང་མི་ཟ་བའོ། །བཟུང་བའི་མཐའ་པ་ཞེས་བྱ་བ་ནི་བདག་ཉིད་ཀྱི་རང་བཞིན་གྱི་སྐལ་བ་གཅིག་།བླངས་ནས་ཡང་མི་ལེན་པའོ། །
207a7 ཟས་ཕྱིས་མི་ལེན་པ་ནི་ཟས་ལྷག་པར་སྤོང་བ་ཡིན་ནོ། །ཟས་ལྷག་པ་ཟ་བས་ནི་ཟས་ཕྱིས་མི་ལེན་པ་ཉིད་འཇིག་གོ་།དགོན་པ་པ་ཉིད་ཇི་ལྟར་ཡང་དག་པར་ལེན་ཅེ་ན། གྲོང་མཐར
iiif viewer powered by OpenSeadragon
