| e-texts navigator |
| Wylie |
204b1 ཡིན་ཏེ། འགོར་ཡང་བའི་ཚུལ་ཅན་ཉིད་དང་། གསོག་འཇོག་ཡོངས་སུ་སྤངས་པ་ཉིད་དང་། ཁུར་ཆུང་བ་ཉིད་དང་། ལུས་འཚོ་བ་ཙམ་གྱིས་ཆོག་ཤེས་པ་ཉིད་དང་། བྱ་བཞིན་དུ་གང
204b2 དགའ་བར་འགྲོ་བ་ཉིད་དང་། སྐྱེས་བུ་དམ་པའི་སྤྱོད་པ་ཉིད་དང་། ཡོ་བྱད་བསྙུངས་པའི་ཚུལ་ཅན་ཏེ། དེ་ལྟ་བུ་ལ་སོགས་པ་ནི་ཆོས་གོས་གསུམ་པ་ཉིད་ཀྱི་ཡོན་ཏན་དག་ཡིན་ནོ། །
204b3 ཆོས་གོས་གསུམ་པ་ཉིད་ནི་ཅི་ཞིག་ཡིན། ཆོས་གོས་གསུམ་པ་ཉིད་ནི་གང་ཞིག་།གང་གིས་ནི་ཆོས་གོས་གསུམ་པ་ཉིད་འཇིག་ཅེ་ན། སྣམ་སྦྱར་དང་། བླ་གོས་དང་། མཐང
204b4 གོས་ཏེ། འདི་དག་ནི་ཆོས་གོས་གསུམ་པ་དག་ཡིན་ནོ། །ཆོས་གོས་གསུམ་པ་ནི་གོས་བཞི་པ་སྤོང་བ་ཡིན་ནོ། །གོས་བཞི་པ་འཆང་བས་ནི་ཆོས་གོས་གསུམ་པ་ཉིད་འཇིག་གོ་།བསོད
204b5 སྙོམས་པ་ཉིད་ཇི་ལྟར་ཡང་དག་པར་ལེན་ཅེ་ན། མགྲོན་དུ་སོང་ནས་རང་གི་ལས་ཉམས་པ་དང་། གཞན་གྱི་དབང་དུ་གྱུར་པ་དང་། མི་མཐུན་པ་དང་ཕྲད་པ་དང་། འདུག་ན་ཉམ་ང་བའི
204b6 ཉེས་དམིགས་ཀྱང་མཐོང་། བསོད་སྙོམས་པ་ཉིད་ཀྱི་ཡོན་ཏན་དག་ཀྱང་མཐོང་ནས། འདི་སྐད་དུ། དེང་སླན་ཆད་མགྲོན་དུ་འགྲོ་བ་སྤོང་སྟེ། བསོད་སྙོམས་པ་ཉིད་ཡང་དག་པར་ལེན
204b7 ཏོ|་|ཞེས་ཡང་དག་པར་ལེན་ཏོ། །དེ་ལ་བསོད་སྙོམས་པ་ཉིད་ཀྱི་ཡོན་ཏན་ནི་འདི་དག་ཡིན་ཏེ། གནས་དམ་བཅས་པ་དང་མཐུན་པ་ཉིད་དང་། རང་དབང་ཡོད་པ་ཉིད་དང་། གཞན་མི
iiif viewer powered by OpenSeadragon
