| e-texts navigator |
| Wylie |
204a1 པ་དུ་ཞིག་། ཕྱག་དར་ཁྲོད་པ་ནི་གང་ཞིག་ཡིན། གང་གིས་ནི་ཕྱག་དར་ཁྲོད་པ་ཉིད་འཇིག་ཅེ་ན། ཕྱག་དར་ཁྲོད་པ་ནི་རྣམ་པ་གཉིས་ཏེ། བདག་པོ་མེད་པ་དང
204a2 རང་བཞིན་གྱིས་མི་རྣམས་ཀྱིས་སྨད་པར་གྲགས་པའོ། །དེ་ལ་ཕྱག་དར་ཁྲོད་དམ། ཕྱག་དར་གྱི་ཕུང་པོའམ། ཚོང་འདུས་སམ། ལམ་པོ་ཆེ་ནས་དམ་དུམ་དག་བཏུས་ནས་སྣམ
204a3 སྦྱར་བྱས་ཏེ་འཆང་བ་འདི་ནི་བདག་པོ་མེད་པའི་ཕྱག་དར་ཁྲོད་པ་ཡིན་ནོ། །ཁ་ཚར་བཅད་པ་དང་། ཕུན་ཚུར་བཅད་པ་དང་། བ་ལང་གིས་ཟོས་པ་དང་། བྱི་བས་ཟོས་པ་དང་། མེས་ཚིག
204a4 པ་དང་། ཡ་སྟགས་དང་། རོ་བག་གིས་གོས་དང་། མུ་སྟེགས་ཅན་གྱི་མཚན་མ་འདི་དག་ནི་རང་བཞིན་གྱིས་མི་རྣམས་ཀྱིས་སྨད་པར་གྲགས་པའི་ཕྱག་དར་ཁྲོད་པ་ཡིན་ནོ། །ཕྱག
204a5 དར་ཁྲོད་པ་ནི་ཁྱིམ་བདག་གི་གོས་སྤོང་བ་ཡིན་ནོ། །ཁྱིམ་བདག་གི་གོས་བླངས་པས་ནི་ཕྱག་དར་ཁྲོད་པ་ཉིད་འཇིག་གོ་།ཆོས་གོས་གསུམ་པ་ཉིད་ཇི་ལྟར་ཡང་དག་པར་ལེན་ཞེ་ན།
204a6 ཆོས་གོས་ལྷག་པ་ཚོལ་བ་དང་། སྦེད་པ་དང་རུང་བར་བྱ་བ་དང་། འཕགས་པའི་ཉེས་དམིགས་ཀྱང་མཐོང་། ཆོས་གོས་གསུམ་པ་ཉིད་ཀྱི་ཡོན་ཏན་ཡང་མཐོང་ནས། འདི་སྐད
204a7 དུ|་དེང་སླན་ཆད་གོས་བཞི་པ་སྤོང་སྟེ། ཆོས་གོས་གསུམ་པ་ཉིད་ཡང་དག་པར་ལེན་ཏོ་ཞེས་ཡང་དག་པར་ལེན་ཏོ། །དེ་ལ་ཆོས་གོས་གསུམ་པ་ཉིད་ཀྱི་ཡོན་ཏན་ནི་འདི་དག
iiif viewer powered by OpenSeadragon
