| e-texts navigator |
| Wylie |
203b1 དུར་ཁྲོད་པ་ཉིད་ནི་གཞན་དུ་གནས་པ་སྤོང་བ་ཡིན་ནོ། །གཞི་ཇི་བཞིན་པ་ཉིད་ནི་བརྐམ་ཆགས་ཀྱི་གནས་མལ་སྤོང་བ་ཡིན་ནོ། །ཙོག་བུ་པ་ཉིད་ནི་ཉལ་བ་སྤོང་བ་ཡིན་ནོ། །དེ་ལ་ཕྱག་དར
203b2 ཁྲོད་པ་ཉིད་ཇི་ལྟར་ཡང་དག་པར་ལེན་ཞེ་ན། ཁྱིམ་བདག་གི་གོས་ཚོལ་བ་ཉིད་དང་། ཡོངས་སུ་འཛིན་པ་དང་། གཞན་ལ་གསོལ་བ་བྱེད་པའི་ཉེས་དམིགས་ཀྱང་མཐོང་། ཕྱག་དར་ཁྲོད
203b3 པ་ཉིད་ཀྱི་ཡོན་ཏན་ཡང་མཐོང་ནས་གོས་ན་ར་མ་ལ་གནས་པ། འདི་སྐད་དུ། དེང་སླན་ཆད་ཁྱིམ་བདག་གི་གོས་སྤོང་སྟེ། ཕྱག་དར་ཁྲོད་པ་ཉིད་ནི་ཡང་དག་པར་ལེན་ཏོ་ཞེས་ཡང་དག་པར
203b4 ལེན་ཏོ། །དེ་ལ་ཕྱག་དར་ཁྲོད་པ་ཉིད་ཀྱི་ཡོན་ཏན་ནི་འདི་དག་ཡིན་ཏེ། གནས་དམ་བཅས་པ་ཉིད་དང་མཐུན་པ་ཉིད་དང་། གཞན་ལ་རག་མ་ལས་པ་ཉིད་དང་། མ་རུང་ན་མི་བྱེད་པ
203b5 ཉིད་དང་། ཡོངས་སུ་སྤྱོད་པ་ན་ལྷག་པར་མ་ཆགས་པ་ཉིད་དང་། བརྐམ་ཆགས་མེད་པ་ཉིད་དང་། ཆོམ་རྐུན་གྱིས་མི་འཕྲོགས་པ་ཉིད་དང་། དུས་མ་ལགས་པ་ཉིད་དང་། འབགས་པ
203b6 ཆུང་བ་ཉིད་དང་། ཡོ་བྱད་བསྙུངས་པའི་ཚུལ་ཅན་དང་། སྐྱེས་བུ་དམ་པའི་སྤྱོད་པ་ཉིད་དང་། དང་པར་བྱེད་པའི་ཡོན་ཏན་དང་ལྡན་པ་ཉིད་དང་། སྐྱེས་བུ་ཕྱི་མས་མཐོང་ནས་རྗེས་སུ
203b7 འཇུག་པ་ཉིད་དང་། ཡང་དག་པའི་སྒྲུབ་པ་སྣང་བ་ཉིད་དང་། རྒྱལ་བས་བསྔགས་པ་སྟེ། དེ་ལྟ་བུ་ལ་སོགས་པ་ནི་ཕྱག་དར་ཁྲོད་པ་ཉིད་ཀྱི་ཡོན་ཏན་དག་ཡིན་ནོ། །ཕྱག་དར་ཁྲོད་པ་ནི་རྣམ
iiif viewer powered by OpenSeadragon
