| e-texts navigator |
| Wylie |
201a1 བར་བྱེད་པ་དང་། འདས་པ་དེ་དག་མི་སྟོན་པ་དང་། རབ་ཏུ་མི་སྟོན་པ་དེ་ནི་ལུས་ཞིག་ནས་ཤི་བའི་འོག་ཏུ་དམྱལ་བ་ཆེན་པོ་ཚ་བར་སྐྱེ་བར་འགྱུར་ཏེ། དེ་དག
201a2 དེར་ཡང་སྡུག་བསྔལ་ཤིན་ཏུ་དྲག་པ་དང་། རྩུབ་པ་དང་། ཚ་བ་དང་། ཡིད་དུ་མི་འོང་བའི་ཚོར་བ་མྱོང་བར་འགྱུར་རོ། །ཕམ་པར་འགྱུར་བའི་ཆོས་བཞིའི་ལྟུང་བ་བརྟག་པའོ། །དགེ
201a3 སློང་དག་། དེ་ལྟ་བས་ན། གང་དེ་དག་བསྟན་བཅོས་ཐོས་པ་རྣམས་ཀྱིས་བདག་ལ་ཕན་པར་བྱ་བ་དང་། སྙིང་བརྩེ་བ་དང་། སྙིང་རྗེ་བ་དང་། དོན་འདོད་པ་དང་། ཕན་པ་ཚོལ་བས་སྙིང
201a4 བརྩེ་བ་འདིས་ཁྱེད་ཅག་རྣམས་ཀྱིས་འདི་ལྟར་བྱ་སྟེ། དགེ་སློང་དག་།དགོན་པ་དང་། ཤིང་དྲུང་དང་། ཁང་སྟོང་དང་། རི་ཁྲོད་དང་། རི་ཕུག་དང་། པ་ལ་པུན་ཛཱ་བྷྱ་བ་ཀ་ཤ་དང་། དུར
201a5 ཁྲོད་དང་། ནགས་འདབ་དང་། བས་མཐའི་གནས་མལ་དུ་གནས་ཏེ་འདི་དག་ངེས་པར་བསམ་པར་བྱའོ། །དགེ་སློང་དག་།བག་ཡོད་པར་གྱིས་ཤིག་།ཅི་ནས་ཀྱང་ཕྱིས་འགྱོད
201a6 པར་འགྱུར་བ་དེ་ལྟར་མ་བྱེད་ཅིག་། འདི་ནི་ངའི་རྗེས་སུ་བསྟན་པའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ། བཅོམ་ལྡན་འདས
201a7 ཀྱིས་གསུངས་པ་ལ་མངོན་པར་བསྟོད་དོ། །ལྟུང་བ་སྡེ་ལྔའི་དགེ་བ་དང་། མི་དགེ་བའི་འབྲས་བུ་བརྟག་པའི་མདོ་རྫོགས་སོ།། །།རྒྱ་གར་གྱི་མཁན་པོ་ཨཱ་ཙཱཪྱ་ཛྙཱ
iiif viewer powered by OpenSeadragon
