| e-texts navigator |
| Wylie |
199a1 དང་|་སྒྲ་དང་། དྲི་དང་། རོ་དང་། རེག་བྱ་དང་། ལྷའི་གཡོག་འཁོར་དང་ལྡན་པར་འགྱུར་རོ། །དགེ་སློང་དག་།མཚེ་མའི་ལྷ་རྣམས་ཀྱི་ལོ་ཉིས་སྟོང་གང
199a2 ཡིན་པ་དེ་ནི་དམྱལ་བ་ཆེན་པོ་བསྡུས་འཇོམས་ཀྱི་ཉིན་ཞག་གཅིག་གོ་། ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་ཏུ་བརྩིས་པའི་ལོ་ཉིས་སྟོང་ནི་དམྱལ
199a3 བ་ཆེན་པོ་བསྡུས་འཇོམས་ཀྱི་ཚེའི་ཚད་དོ། །དགེ་སློང་དག་།ལྟུང་བྱེད་ཀྱི་ཆོས་གང་དག་མི་སྲུང་བ་དང་། མི་སྦེད་པ་དང་། ཡོངས་སུ་མི་སྐྱོང་བ་དང་། དེ་དག་ལས་འདའ་བར་བྱེད
199a4 པ་དང་། འདས་པ་དེ་དག་མི་སྟོན་པ་དང་། རབ་ཏུ་མི་སྟོན་པ་དེ་ནི་ལུས་ཞིག་ནས་ཤི་བའི་འོག་ཏུ་དམྱལ་བ་ཆེན་པོ་བསྡུས་འཇོམས་སུ་སྐྱེ་བར་འགྱུར་ཏེ། དེ་དག་དེར་ཡང
199a5 སྡུག་བསྔལ་ཤིན་ཏུ་དྲག་པ་དང་། རྩུབ་པ་དང་། ཚ་བ་དང་། ཡིད་དུ་མི་འོང་བའི་ཚོར་བ་མྱོང་བར་འགྱུར་རོ། །ལྟུང་བྱེད་ཀྱི་ལྟུང་བ་བརྟག་པའོ། །དགེ་སློང་དག་།ཛམྦུའི་གླིང་པའི་མི་རྣམས
199a6 ཀྱི་ལོ་བཞི་བརྒྱ་གང་ཡིན་པ་དེ་ནི་དགའ་ལྡན་གྱི་ལྷ་རྣམས་ཀྱི་ཉིན་ཞག་གཅིག་གོ་། ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་ཏུ་བརྩིས་པའི་ལོ་བཞི་སྟོང
199a7 ནི་དགའ་ལྡན་གྱི་ལྷ་རྣམས་ཀྱི་ཚེའི་ཚད་དོ། །དགེ་སློང་དག་།སྡོམ་པའི་ཆོས་གང་དག་སྒྲུབ་པ་དང་། སྦེད་པ་དང་། ཡོངས་སུ་སྐྱོང་བ་དང་། འདའ་བར་མི་བྱེད་པ་དང་། དེ་དག་ལས
iiif viewer powered by OpenSeadragon
