| e-texts navigator |
| Wylie |
197a1 དང་པོ་ཚུལ་ཁྲིམས་མེད་པར་གྱུར་པ་དེས། །ཕྱི་ནས་མྱ་ངན་འདས་པ་ཐོབ་སྙམ་མམ། །སྣ་དང་རྣ་རྡུམ་ལ་སོགས་པ་གང་ཡིན་པ། དེ་ལ་མེ་ལོང་དག་ནི
197a2 དགོས་མི་འགྱུར། །རྣ་བས་མ་ཐོས་མིག་སྔར་མ་མཐོང་བཞིན། །བསྟན་སྲུང་མི་དེ་མཐོ་རིས་འགྲོ་བར་འགྱུར། །ཐོས་མང་ཐོས་ལྡན་ཐོས་སྲུང་མཐོ་རིས་ཉིད། །བུད་མེད་བསྟན
197a3 དུ་ག་ལ་རུང་། །རྒྱལ་པོའི་ཕོ་བྲང་ག་ལ་དགའ། །དབུ་བ་སྙིང་པོ་ག་ལ་ཡོད། །ལོངས་སྤྱོད་རྟག་པ་ག་ལ་ཡིན། །བུད་མེད་དག་ལ་རུང་བ་མེད། །རྒྱལ་སྲིད་དག་ལ་དགའ་བ་མེད། །
197a4 དབུ་བ་དག་ལ་སྙིང་པོ་མེད། །ལོངས་སྤྱོད་དག་ལ་རྟག་པ་མེད། །ལོངས་སྤྱོད་དག་ནི་འབབ་ཆུ་བཞིན། །གྲུ་དེ་ཅི་འདྲ་ཁྱིམ་དེ་འདྲ། །མེ་ཏོག་ཅི་འདྲ་གཟུགས་དེ་བཞིན། །སྲོག་ནི
197a5 ཆུ་བུར་འདྲ་བ་ཡིན། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །
197a6 ཚུལ་ཁྲིམས་ཡང་དག་པར་ལྡན་པའི་མདོ་རྫོགས་སོ།། །།རྒྱ་གར་སྐད་དུ། པཉྩ་པཏྟི་ནི་ཀཱ་ཡ་ཤུ་བྷཱ་ཤུབྷ་ཕ་ལ་པ་རཱིཀྵ་སཱུ་ཏྲ། བོད་སྐད་དུ། ལྟུང་བ་སྡེ་ལྔའི
197a7 དགེ་བ་དང་། མི་དགེ་བའི་འབྲས་བུ་བརྟག་པའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན།
iiif viewer powered by OpenSeadragon
