| e-texts navigator |
| Wylie |
191a1 ལེགས་པར་རབ་སད་ཀྱིས་ལུམ་བི་ནཱིའི་ཆེད་དུ་དེ་བས་ཁྱད་པར་དུ་འཕགས་པའི་ཀུན་དགའ་ར་བ་ཞིག་བྱེད་དུ་བཅུག་ནས། དེའི་མིང་ལུམ་བི་ནཱིའི་ཚལ་ཞེས
191a2 བྱ་བར་གྱུར་ཏོ། །རྒྱལ་པོ་སེང་གེ་འགྲམ་ལ་ཡུན་རིང་པོ་ནས་ཀྱེ་མའོ་བདག་གི་རྒྱུད་ལ་འཁོར་ལོས་སྒྱུར་བར་སྐྱེ་བར་གྱུར་ཀྱང་ཅི་མ་རུང་སྙམ་པའི་བསམ་པ་འདི་ཡོད་དོ། །རྒྱལ་པོ་ལེགས
191a3 པར་རབ་སད་ལ་ཡང་ཡུན་རིང་པོ་ནས། ཀྱེ་མའོ། བདག་ནི་སེང་གེ་འགྲམ་དང་ལྷན་ཅིག་གཉེན་དུ་གྱུར་ཀྱང་ཅི་མ་རུང་སྙམ་པའི་བསམ་པ་འདི་ཡོད་དོ། །ཇི་ཙམ་དུ་དུས་གཞན་ཞིག་ན
191a4 དེའི་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པ་ལས་དུས་གཞན་ཞིག་ན་བཙུན་མོ་སེམས་ཅན་དང་ལྡན་པར་གྱུར་ནས། དེ་ཟླ་བ་བརྒྱད་དམ། དགུ
191a5 འདས་པ་ན་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ། ཡན་ལག་དང་། ཉིད་ལག་ཐམས་ཅད་དང་ལྡན་པ་ཞིག་བཙས་སོ། །བཙས་པ་དེའི་གཟུགས་བཟང་པོས་རྒྱལ་པོ
191a6 ལེགས་པར་རབ་སད་བཙུན་མོའི་འཁོར་དང་བཅས་པ་དང་ལྷས་བསྟན་ན་གནས་པའི་སྐྱེ་བོའི་ཚོགས་རྣམས་མཆོག་ཏུ་ངོ་མཚར་སྐྱེས་ཏེ། ཐེ་ཚོམ་དུ་གྱུར་ནས་ཅི་འདི་བུ་མོ་ཡིན
191a7 ནམ|་འོན་ཏེ་ལས་སྣ་ཚོགས་པས་སྤྲུལ་པའི་སྒྱུ་འཕྲུལ་ཡིན་སྙམ་མོ། །དེའི་བཙས་པའི་བཙས་སྟོན་ཉི་མ་བདུན་གསུམ་ཉི་ཤུ་གཅིག་ཏུ་རྒྱ་ཆེར་བྱས་ནས་བུ་མོ་འདིའི་མིང
iiif viewer powered by OpenSeadragon
