| e-texts navigator |
| Wylie |
189b1 རྒྱལ་པོ་བཟང་ལྡན་ནོ། །བྲེ་བོ་ཟས་ལ་བུ་གཉིས་ཏེ། མིང་ཆེན་དང་། ཚེ་དང་ལྡན་པ་མ་འགགས་པའོ། །བདུད་རྩི་ཟས་ཀྱི་བུ་གཉིས་ཏེ། ཚེ་དང་ལྡན་པ་ཀུན་དགའ་བོ་དང་། ལྷས་བྱིན་ནོ། །
189b2 གཙང་མའི་བུ་ནི་ལེགས་པར་རབ་སད་དོ། །དཀར་མོའི་བུ་ནི་ཕྲེང་བ་ཅན་ནོ། །བྲེ་བོ་མའི་བུ་ནི་བཟང་ལན་ནོ། །བདུད་རྩི་མའི་བུ་ནི་དགེ་འཕེལ་ལོ། །བཅོམ་ལྡན་འདས་ཀྱི་སྲས་ནི་སྒྲ
189b3 གཅན་འཛིན་ཡིན་ཏེ། གཽ་ཏ་མ་དག་།མང་པོས་བཀུར་གྱི་རྒྱུད་ཚེ་དང་ལྡན་པ་སྒྲ་གཅན་འཛིན་དུ་རྫོགས། སྲིད་པའི་བྲེང་རྒྱུད་ཆད། འཁོར་བ་ཟད་དེ་ད་ནི་ཡང་སྲིད་པ་མེད་དོ། །དེ་ནས་བཅོམ
189b4 ལྡན་འདས་ཀྱིས་ཚེ་དང་ལྡན་པ་མཽདྒལ་གྱི་བུ་ཆེན་པོའི་གཏམ་རྫོགས་པར་མཁྱེན་ནས་བཞེངས་ཏེ་བཞུགས་སོ། །བཞུགས་ནས་ཚེ་དང་ལྡན་པ་མཽདྒལ་གྱི་བུ་ཆེན་པོ་ལ་བཀའ་སྩལ་པ།
189b5 མཽདྒལ་གྱི་བུ། ལེགས་སོ། །ལེགས་སོ། །མཽདྒལ་གྱི་བུ། ཁྱོད་ཀྱིས་དགེ་སློང་རྣམས་ཀྱི་མདུན་དུ་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ནས་ཆོས་ཀྱི་གཏམ་སྨྲས་པའང་ཁྱོད
189b6 ལེགས་སོ། །མཽདྒལ་གྱི་བུ། ཡང་ཁྱོད་ཀྱིས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ཏེ་ཆོས་ཀྱི་གཏམ་རྟག་ཏུ་སྨྲོས་ཤིག་དང་། དེས་ནི་དེ་རྣམས་ལ་ཡུན་རིང་པོའི་དོན་དང་།
189b7 ཕན་པ་དང་། བདེ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་ཀྱིས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་པའི
iiif viewer powered by OpenSeadragon
