| e-texts navigator |
| Wylie |
189a1 བྱེད་དུ་བཅུག་གོ་། དེའང་བུ་མེད་པར་ཤི་ནས་ལག་ན་རྒྱལ་པོར་གྱུར་ཏོ། །དེའང་བུ་མེད་པར་ཤི་ནས་གླང་པོ་ཆེ་འདུལ་རྒྱལ་པོར་འགྱུར་ཏོ། །དེའང་བུ་མེད་པར་ཤི
189a2 ནས་རྐང་གདུབ་ཅན་རྒྱལ་པོར་གྱུར་ཏོ། །དེའི་བུ་གནས་འཇོག་གོ་།གཽ་ཏ་མ་དག་།གནས་འཇོག་གི་བུ་ས་ཁྱིམ་མོ། །གཽ་ཏ་མ་དག་།རྒྱལ་པོ་ས་ཁྱིམ་གྱི་བུ་དང་། ཚ་བོ་དང་། ཡང་ཚ་དང་།
189a3 སུམ་ཚའི་རྒྱུད་རྒྱལ་པོ་ལྔ་ཁྲི་ལྔ་སྟོང་གྲོང་ཁྱེར་སེར་སྐྱའི་གཞིར་བྱུང་སྟེ། དེ་རྣམས་ཀྱི་ཐ་མ་ནི་ཤིང་རྟ་བཅུ་པ་དང་། ཤིང་རྟ་བརྒྱ་པ་དང་། ཤིང་རྟ་དགུ་བཅུ་དང་། ཤིང་རྟ་ཁྲ་བོ་དང་།
189a4 ཤིང་རྟ་རྒྱལ་དང་། བརྟན་པའི་ཤིང་རྟ་དང་། གཞུ་བཅུ་པ་དང་། གཞུ་བརྒྱ་པ་དང་། གཞུ་དགུ་བཅུ་དང་། གཞུ་རྒྱལ་དང་། གཞུ་བཀྲ་དང་། གཞུ་བརྟན་ནོ། །གཽ་ཏ་མ་དག་།གཞུ
189a5 བརྟན་ལ་བུ་གཉིས་ཏེ། སེང་གེའི་འགྲམ་དང་། སེང་གེའི་སྒྲའོ། །གཽ་ཏ་མ་དག་།ཛམྦུའི་གླིང་གི་གཞུ་ཐོགས་ཇི་སྙེད་ཡོད་པ་དེ་རྣམས་ཀྱི་ནང་ན་སེང་གེའི་འགྲམ་མཆོག་ཏུ
189a6 གྲགས་སོ། །གཽ་ཏ་མ་དག་།སེང་གེའི་འགྲམ་ལ་བུ་བཞི་སྟེ། ཟས་གཙང་དང་། ཟས་དཀར་དང་། བྲེ་བོ་ཟས་དང་། བདུད་རྩིའི་ཟས་སོ། །བུ་མོ་གཙང་མ་དང་། དཀར་མོ་དང་། བྲེ
189a7 མོ་མ་དང་། བདུད་རྩི་མའོ། །ཟས་གཙང་ལ་བུ་གཉིས་ཏེ། བཅོམ་ལྡན་འདས་དང་། ཚེ་དང་ལྡན་པ་དགའ་བོའོ། །ཟས་དཀར་ལ་བུ་གཉིས་ཏེ། ཚེ་དང་ལྡན་པ་རྒྱལ་དང་། ཤཱཀྱའི
iiif viewer powered by OpenSeadragon
