| e-texts navigator |
| Wylie |
188b1 གྲོང་པ་དག་། གཞོན་ནུ་དེ་རྣམས་ད་ལྟར་གང་ན་འདུག་།དེ་རྣམས་ཀྱིས་སྨྲས་པ། ལྷས་ནོངས་པ་འགའ་ཞིག་ལ་སྤྱུགས་པ་ལས་དེ་རྣམས་རང་རང་གི་སྲིང་མོ་ཁྲིད་དེ་འདི་ནས་མཆིས་པ་ན
188b2 གངས་རི་དང་ཉེ་བ་ཆུ་བོ་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་དང་ཧ་ཅང་མི་རིང་བ་ཞིག་ཏུ་གནས་བཏབ་སྟེ། རང་རང་གི་སྲིང་མོ་སྤངས་ཏེ། མས་དབྱེན་གྱི་སྲིང་མོ
188b3 རྣམས་དང་ལྷན་ཅིག་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་དོ། །དེ་རྣམས་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་པ་ན་བུ་ཕོ་དང་།
188b4 བུ་མོ་དག་བཙས་སོ། །གྲོང་པ་དག་།གཞོན་ནུ་རྣམས་ཀྱིས་དེ་ལྟར་བྱེད་ཕོད་དམ། ལྷ|་རྔོ་ཐོགས་ལགས་སོ། །དེ་ནས་རྒྱལ་པོ་བུ་རམ་ཤིང་པ་འཕགས་སྐྱེས་པོས་རོ་སྟོད་བསྲང་ནས་ལག
188b5 པ་གཡས་པ་བརྐྱང་སྟེ། ཆེད་དུ་བརྗོད་པས་ཆེད་དུ་བརྗོད་པ། ཀྱེ་མ་གཞོན་ནུ་རྣམས་ནི་ཕོད་པ་ཡིན་ནོ། །ཀྱེ་མ་གཞོན་ནུ་རྣམས་ནི་ཤིན་ཏུ་ཕོད་པ་ཡིན་ནོ་ཞེས་སེམས་ཅན་དབང་ཆེན་པོས
188b6 ཚིག་ཏུ་ཕྱུང་སྟེ། ཀྱེ་མ་གཞོན་ནུ་རྣམས་ནི་ཕོད་པ་ཡིན་ནོ། །ཀྱེ་མ་གཞོན་ནུ་རྣམས་ནི་ཤིན་ཏུ་ཕོད་པ་ཡིན་ནོ་ཞེས་བྱ་བས་དེ་རྣམས་ཤཱཀྱ། ཤཱཀྱ་ཞེས་བྱ་བར་གྱུར་ཏོ། །དེ་རྣམས་དུས་གཞན
188b7 ཞིག་ན་རྒྱལ་པོ་བུ་རམ་ཤིང་པ་འཕགས་སྐྱེས་པོ་ཤི་ནས་རྒྱལ་སྲིད་དགའ་རྒྱལ་སྲིད་ལ་དབང་བསྐུར་རོ། །དེའང་བུ་མེད་པར་ཤི་ནས་སྐར་མདའ་གདོང་རྒྱལ་སྲིད་ཀྱི་དབང་ཕྱུག་ལ་དབང
iiif viewer powered by OpenSeadragon
