| e-texts navigator |
| Wylie |
184b1 ཆེ་འདུལ་དང་། རྐང་གདུབ་ཅན་ནོ། །དུས་གཞན་ཞིག་ན་དེའི་བཙུན་མོ་དམ་པ་ཤི་ནས་དེ་ལགས་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་གོ་།བློན་པོ་རྣམས་ཀྱིས་སྨྲས་པ། ལྷ|
184b2 ཅིའི་སླད་དུ་ཕྱག་ལ་ཞལ་གཏད་ནས་ཐུགས་མི་དགྱེས་ཤིང་བཞུགས། དེས་སྨྲས་པ། ངའི་བཙུན་མོ་དམ་པ་ཤི་ན་ཅིའི་ཕྱིར་སེམས་ཁོང་དུ་ཆུད་ཅིང་མི་འདུག་།ལྷ|་གལ་ཏེ་དེ་ལྟ་ན་ཉི
184b3 འོག་གི་རྒྱལ་པོ་རྣམས་ལ་བུ་མོ་མཆིས་ན་ཅིའི་སླད་དུ་ལྷའི་བཙུན་མོ་དམ་པ་མི་བཙལ། རྒྱལ་པོས་སྨྲས་པ། གཞོན་ནུ་འདི་དག་ནི་རྒྱལ་སྲིད་མངོན་པར་འདོད་པས་ཕྱིར་རྒོལ་བ
184b4 འདི་དག་ཡོད་ན་ང་ལ་སུ་ཞིག་བུ་མོ་སྟེར་བར་འགྱུར། ལྷ|་དགོངས་ཤིག་དང་། བདག་ཅག་གིས་བཙལ་ལོ། །ཇི་ཙམ་ན་རྒྱལ་པོ་གཞན་ཞིག་གི་བུ་མོ་གཟུགས་བཟང་བ། བལྟ་ན
184b5 སྡུག་པ། མཛེས་པ། བཙུན་མོ་དམ་པར་འཚམ་པ་ཡོད་པ་དེ་མི་རྣམས་ཀྱིས་བརྟགས་ཏེ། རྒྱལ་པོ་དེའི་དྲུང་དུ་དོང་ནས། དེ་རྣམས་ཀྱིས་གཅིག་ནས་གཅིག་ཏུ་བརྒྱུད་དེ་རྒྱལ་པོ་དེ་ལ
184b6 རིག་པར་བྱས་པ་དང་། རྒྱལ་པོས་བསྒོ་བ། ཁུག་ཅིག་།དེ་ནས་དེ་རྣམས་རྒྱལ་པོའི་སྤྱན་སྔར་དོང་ནས་རྐང་པ་གཉིས་ལ་གཏུགས་ཏེ་ཐོག་མར་གཏམ་བྱས་ནས་འདུག་གོ་།གཏམ་གྱི
184b7 སྐབས་རྙེད་ཅིང་རྒྱལ་པོའི་ཞལ་མཐོང་ནས་སྨྲས་པ། ལྷ|་བཀྲ་ཤིས་པར་གྱུར་ཅིག་།བཀྲ་ཤིས་པར་གྱུར་ཅིག་།རྒྱལ་པོས་སྨྲས་པ། ཤེས་ལྡན་དག་།ཁྱེད་ཅི་གསོལ། རྒྱལ་པོ་བུ་རམ
iiif viewer powered by OpenSeadragon
