| e-texts navigator |
| Wylie |
562a1 ཆོས་ཀྱི་རྔ་ནི་སྲིད་རྩེར་བཅས། །ཀུན་ནས་རབ་ཏུ་གཡོ་བར་འགྱུར། །དམྱལ་དང་ཡི་དྭགས་འཇིག་རྟེན་རྣམས། །འཇིག་པར་འགྱུར་བར་ཐེ་ཚོམ་མེད། །ཐམས
562a2 ཅད་སངས་རྒྱས་རྟག་དད་ཅིང་། །ཐམས་ཅད་ཆོས་ལ་གཞོལ་བར་འགྱུར། །དེར་ནི་དགེ་འདུན་འདུལ་བར་ལྡན། །མཁས་པ་རྣམས་ཀྱང་འཕེལ་བར་འགྱུར། །འདོད་ཆགས་ཞེ་སྡང
562a3 གཏི་མུག་རྣམས། །དེར་ནི་ནུབ་པར་འགྱུར་བ་ཡིན། །རྒྱལ་པོ་ཚེ་རིང་ཆོས་ལྡན་ཞིང་། །བདེ་བ་དག་དང་ལྡན་པར་འགྱུར། །རྒྱལ་པོ་གཙུག་ལག་ཁང་ཀུན་ཏུ། །ཆོས་ཀྱི་རྔ་ནི་བརྡུངས
562a4 པ་ཡིས|་|སྒྲ་ནི་གང་གི་རྣ་བ་ཡི། །ལམ་དག་ཏུ་ནི་གྲགས་གྱུར་ཅིང་། །དུས་བཞི་དག་ཏུ་ཐོས་པ་ནི། །དེ་རྣམས་བྱང་ཆུབ་ཐོབ་པར་འགྱུར། །གང་ཞིག་སྙིང་ནས་ཡི་རང་བ། །དེ་ནི
562a5 གྲོལ་འགྱུར་ཐེ་ཚོམ་མེད། །གཎྜཱིའི་མདོ་ནི་ལན་གཅིག་ཐོས། །མི་དེ་སྐྱེ་བ་དྲན་པར་འགྱུར། །གང་ན་མདོ་སྡེའི་མཆོག་འདི་གནས། །ཡུལ་འཁོར་དེར་ཡང་འབྱོར་བར་འགྱུར། །
562a6 དུས་ཀུན་ཏུ་ནི་གནས་པ་དང་། །ཀློག་གམ་ཡང་ན་མཆོད་པར་བྱེད། །འདི་ནི་ཡིད་ལ་འཛིན་བྱེད་པ། །སྡིག་པ་ལས་ནི་གྲོལ་བར་འགྱུར། །བཅོམ་ལྡན་འདས་ཀྱིས་དེ་སྐད་ཅེས
562a7 བཀའ་སྩལ་པ་དང་། རྒྱལ་པོ་གསལ་རྒྱལ་བཅོམ་ལྡན་འདས་ལ་ཡང་དང་ཡང་དུ་ཕྱག་བྱས་ནས་སོང་ངོ་། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཐམས
iiif viewer powered by OpenSeadragon
