| e-texts navigator |
| Wylie |
561b1 བྱ་བ་ནི|་|ཤིན་ཏུ་བརྟན་པའི་ཆོས་ཀྱི་སྐུ། །སྐྱེད་པ་མ་ཡིན་འཇིག་བྱེད་མིན། །གདོད་ནས་མ་སྐྱེས་པ་དགེ་བ། །དེ་ལྟར་རབ་གནས་བྱས་ནས་ནི། །དེ་ནི་སྤྱན་དབྱེར་གྱུར་པ་ཡིན། །གཎྜཱིའི་སྤྱན་དབྱེ་བྱས
561b2 ནས་ཀྱང་། །དེ་འོག་གཙུག་ལག་ཁང་ཀུན་ཏུ། །ཀླུ་བདུན་གྱིས་ནི་བརྒྱན་པ་ལྟར། །བསྐྱེད་པའི་རིམ་གྱིས་བརྡུང་བར་བྱ། །དེ་འོག་དཀོན་མཆོག་གསུམ་ལ་ནི། །ཕྱག་བྱས་ནས་ནི་བརྡུང་བྱ་ཞིང་། །
561b3 ཤངས་ཚ་ལན་གསུམ་བརྗོད་པས་ནི། །ཆོས་ཀྱི་རྔ་རྣམས་བརྡུང་བར་བྱ། །མེ་ཏོག་གིས་ནི་དེ་བཞིན་ཁྲུས། །ཟན་ཟ་ཉི་མ་འཆར་ནུབ་ཚེ། །དུས་གསུམ་ལ་ནི་ལན་གསུམ་སྟེ། །སྐུ་ཁྲུས་ཚེན་ལན
561b4 གཉིས་བསྔགས། །གློ་བུར་གནོད་པ་ཆར་མི་འབབ། །དེ་བཞིན་འཐབ་དང་རྩོད་པ་དང་། །གློག་དང་གནོད་པ་ཆེན་པོ་དང་། །གནས་བརྟན་རྣམས་ནི་སྤྱན་འདྲེན་དང་། །ནད་དང་མ་གེ་ཞི་བའི
561b5 ཕྱིར|་|མ་འཚལ་རིམ་གྱིས་བརྡུང་བར་བྱ། །དགེ་སློང་རྣམས་དང་དགེ་ཚུལ་གྱིས། །དུས་རྣམས་རྟག་ཏུ་བརྡུང་བ་སྟེ། །གསོ་སྦྱོང་ལ་ནི་གནས་ཚེ་ཡི། །དགེ་བསྙེན་གྱིས་ཀྱང་བརྡུང་བར་བྱ། །
561b6 མཚན་ཉིད་ཐམས་ཅད་རྫོགས་པ་དང་། །ཀླུ་བདུན་གྱིས་ནི་བརྒྱན་པར་བྱ། །རྒྱལ་པོ་གང་ཚེ་ཡུལ་འཁོར་དུ། །གཎྜཱིའི་དེ་ནི་གྲགས་གྱུར་པ། །དེར་ནི་དཔལ་དང་གྲགས་པ་དང་། །འདོད་པ་དང་ནི
561b7 ལོ་ལེགས་འགྱུར། །ཕ་རོལ་དཔུང་གིས་འཇིགས་མེད་ཅིང་། །འབྲུ་རྣམས་ཀྱང་ནི་ཉམས་མི་འགྱུར། །སངས་རྒྱས་བྱིན་བརླབས་འབྱོར་པ་ཡིས། །དེར་ནི་བདུད་རྣམས་འདུལ་བར་འགྱུར། །
iiif viewer powered by OpenSeadragon
