| e-texts navigator |
| Wylie |
558b1 པ་དང་། མྱ་ངན་ལས་འདའ་བར་མི་འགྱུར་བ་གང་སྒྲིབ་པ་ལྔ་པོ་མ་སྤངས་པས་ནི། དྲན་པ་ཉེ་བར་གཞག་པ་བཞི་དག་ལ་སེམས་ཤིན་ཏུ་ཉེ་བར་བཞག་པས་གནས་པ་ན་བྱང་ཆུབ་ཀྱི་ཡན་ལག
558b2 བདུན་བསྒོམས་ཏེ་རང་བྱང་ཆུབ་མངོན་དུ་བྱེད་པར་འགྱུར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་འདི་ནི། གནས་མ་ཡིན་ནོ། །འདི་ནི
558b3 གནས་ཡིན་ཏེ། སེམས་ཅན་ཀུན་ནས་ཉོན་མོངས་པར་བྱེད་པ་དང་། ཤེས་རབ་ཉམ་ཆུང་བར་བྱེད་པ་དང་། རྒུད་པའི་ཕྱོགས་སུ་གྱུར་པ་དང་། མྱ་ངན་ལས་འདའ་པར་མི་འགྱུར་བ་གང་སྒྲིབ་པ་ལྔ
558b4 པོ་སྤངས་ནས་ནི། དྲན་པ་ཉེ་བར་གཞག་པ་བཞི་དག་ལ་སེམས་ཤིན་ཏུ་ཉེ་བར་བཞག་ནས་གནས་པ་ན་བྱང་ཆུབ་ཀྱི་ཡན་ལག་བདུན་བསྒོམས་ཏེ་རང་བྱང་ཆུབ་མངོན་དུ་བྱེད་པར་འགྱུར་བ་དང་། བླ
558b5 ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་འདི་ནི། གནས་ཏེ། ཀུན་དགའ་བོ། དེ་ཙམ་གྱིས་ན་མཁས་པ་གནས་དང་གནས་མ་ཡིན་པ་ལ
558b6 མཁས་པ་ཡིན་ནོ། །བཙུན་པ། ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། ཀུན་དགའ་བོ། དེའི་ཕྱིར་ཆོས་ཀྱི་རྣམ་གྲངས་འདི་ནི། ལེའུ་བཞི་པ་ཞེས་བྱ་བར
558b7 ཡང་ཟུངས་ཤིག་། ཆོས་ཀྱི་མེ་ལོང་ཞེས་བྱ་བར་ཡང་ཟུངས་ཤིག་།བདུད་རྩིའི་རྔ་པོ་ཆེ་ཞེས་བྱ་བར་ཡང་ཟུངས་ཤིག་།ཁམས་མང་པོ་པ་ཞེས་བྱ་བར་ཡང་ཟུངས་ཤིག་།དེ་བས་ན་ཁམས
iiif viewer powered by OpenSeadragon
