| e-texts navigator |
| Wylie |
553b1 སྤང་བར་བྱའི་མཁས་པའི་ཆོས་ནི། ཡང་དག་པར་བླང་བར་བྱ་སྟེ། ཀུན་དགའ་བོ། དེ་ལྟར་དེ་བཞིན་དུ་བསླབ་པར་བྱའོ། །བཙུན་པ། ཇི་ཙམ་གྱིས་ན་བྱིས་པ་བྱིས་པ་ཞེས་བགྱི་བའི་གྲངས
553b2 སུ་མཆི་བ་ལགས། ཀུན་དགའ་བོ། བྱིས་པ་ནི། ཁམས་ལ་མཁས་པ་མ་ཡིན་པ་དང་། སྐྱེ་མཆེད་ལ་མཁས་པ་མ་ཡིན་པ་དང་། རྟེན་ཅིང་འབྲེལ་པར་འབྱུང་བ་ལ་མཁས་པ་མ
553b3 ཡིན་པ་དང་། གནས་དང་གནས་མ་ཡིན་པ་ལ་མཁས་པ་མ་ཡིན་པ་སྟེ། ཀུན་དགའ་བོ། །དེ་ཙམ་གྱིས་ན་བྱིས་པ་བྱིས་པ་ཞེས་བྱ་བའི་གྲངས་སུ་འགྲོ་བ་ཡིན་ནོ། །བཙུན་པ། ཇི་ཙམ
553b4 གྱིས་ན་མཁས་པ་མཁས་པ་ཞེས་བགྱི་བའི་གྲངས་སུ་མཆི་བ་ལགས། ཀུན་དགའ་བོ། མཁས་པ་ནི། ཁམས་ལ་མཁས་པ་དང་། སྐྱེ་མཆེད་ལ་མཁས་པ་དང་། རྟེན་ཅིང་འབྲེལ
553b5 པར་འབྱུང་བ་ལ་མཁས་པ་དང་། གནས་དང་གནས་མ་ཡིན་པ་ལ་མཁས་པ་ཡིན་ཏེ། ཀུན་དགའ་བོ། དེ་ཙམ་གྱིས་ན་མཁས་པ་མཁས་པ་ཞེས་བྱ་བའི་གྲངས་སུ་འགྲོ་བ་ཡིན་ནོ། །
553b6 བཙུན་པ། ཇི་ཙམ་གྱིས་ན་མཁས་པ་ཁམས་ལ་མཁས་པ་ལགས། ཀུན་དགའ་བོ། མཁས་པ་ནི། ཁམས་བཅོ་བརྒྱད་པོ་མིག་གི་ཁམས་དང་། གཟུགས་ཀྱི་ཁམས་དང་།
553b7 མིག་གི་རྣམ་པར་ཤེས་པའི་ཁམས་དང་། རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དང་། སྣའི་ཁམས་དང་། དྲིའི་ཁམས་དང་། སྣའི
iiif viewer powered by OpenSeadragon
